19:08 06 декабри 2016
Пахши мустақим
Яхбандӣ. Акс аз бойгонӣ

Ҳушдори кумитаи ҳолатҳои фавқуллода аз афтидани яхпораҳо

© Sputnik / Алексей Даничев
Дар Тоҷикистон
Гирифтани линки кӯтоҳ
33 0 0

Зери лабгӯшаи боми хонаҳо, ки шӯшаҳо овезонанд, наистед, дар ин маврид ба рафтори кӯдакон ҷиддан диққат диҳед ва аз рӯйи имкон талош кунед лабгӯшаи боми хонаҳоро аз яхпораҳо тоза кунед

ДУШАНБЕ, 28 ноя — Sputnik. Аз нимаи дуюми имрӯз ҳаво дар сар то сари кишвар рӯ ба гармӣ меорад ва ҳарорати он аз 10 дараҷа боло мешавад, хабар медиҳад хадамоти матбуоти Кумитаи ҳолатҳои фавқуллода ва мудофиаи граждании ҶТ.

Кумитаи ҳолатҳои фавқуллода шаҳрвандони Тоҷикистонро аз афтидани яхпораҳои бомҳо огоҳ месозад.

Захмӣ шудан дар пайи афтидани яхпораҳо хатари чорумин дар фасли  зимистон дониста мешавад. Дар робита бо ин кумита ба шаҳрвандон тавсия медиҳад, то ҳангоми гузаштан аз роҳравҳо эҳтиёткор бошанд.

"Агар ҳангоми ҳаракат дар пиёдарав шумо садои шубҳаовареро шунидед, набояд дар ҷоятон қарор гиред ва сар боло кунеду хоҳед донед, ки чӣ мегузарад. Эҳтимол меравад ин лағзиши барф аст ва ё афтиши яхпораи бузургест. Дар ин ҳолат ё зуд бояд гузашт ва ё зуд худро ба танаи девор ҷафс кард, то осебе ба худатон нарасад",-тавсия медиҳад кумита.

Дар баробари ин тавсия дода мешавад, ки зери лабгӯшаи боми хонаҳо, ки шӯшаҳо овезонанд, наистед, дар ин маврид ба рафтори кӯдакон ҷиддан диққат диҳед ва   аз рӯйи имкон талош кунед лабгӯшаи боми хонаҳоро аз яхпораҳо тоза кунед.

Қаблан КҲФ шаҳрвнадони Тоҷикистонро аз ҳуҷуми тундбоди сибирӣ огоҳ карда буд.

Мавзуъ

КҲФ-и Тоҷикистон аз боришот ва сардии ҳаво хабар медиҳад
Обу ҳаво дар Тоҷикистон тӯли ҳафта: тирамоҳ "наздик мешавад"
Барчаспҳо:
ҳушдор аз афтодани ях, яхбандӣ, КҲФ Тоҷикистон, Тоҷикистон

Мавзӯъҳои асосӣ