Хонандаи синфи 11 ноҳияи Шуғнон марди 40-соларо бо корд захмӣ кард

Обуна шудан
Вазорати корҳои дохилаи ҶТ аз захмӣ шудани марди 40-сола аз дасти хонандаи синфи 11 деҳаи Поршиневи ноҳияи Шуғнон хабар медиҳад

ДУШАНБЕ, 25 июн — Sputnik. Бино ба иттилоъи равобити умумии ВКД ҶТ, ҳодиса 23 июни соли равон ба вуқӯъ пайвастааст.

Дар паи баргузории корҳои вижаи ҷустуҷӯӣ, кормандони интизомӣ, ҷавонписари 17-солаи деҳаи Поршиневи ноҳияи Шуғнонро бо гумони қасдан захмӣ карданди марди 40-сола, дастгир кардаанд.

Гумонбар хонандаи синфи 11 будааст.

Ӯ 23 июн тахминан соати 11:30 дар паи муноқиша бо марди 40-солаи деҳаи Тишор, бо корди дар дасташ буда, маротибае ба шиками ин мард задааст.

Паз аз захмӣ кардан, гумонбар аз  ҷойи ҳодиса ғайб задааст. 

Марди 40-сола дар натиҷаи бардошти ҷароҳати ҷисмонӣ, дар беморхона бистарӣ гаштааст.

Манбаъ меафзояд, ки аз рӯи ин ҳодиса тафтишот идома дорад.

Лентаи хабарҳо
0