Намоишгоҳи байналмилалии "Тоҷикистон-2017" дар шаҳри Душанбе бар по мешавад

© SputnikКохи Борбад, архивное фото
Кохи Борбад, архивное фото - Sputnik Тоҷикистон
Обуна шудан
Утоқи бозаргонӣ ва саноеъи Тоҷикистон аз баргузории намоишгоҳу фурӯшгоҳи байналмилалии "Тоҷикистон - 2017" дар шаҳри Душанбе хабар дод

ДУШАНБЕ, 25 июл — Sputnik. Намоишгоҳ — фурӯшгоҳи байналмилалии "Тоҷикистон — 2017" аз 27-ум то 29-уми июл дар "Кохи Борбад" баргузор хоҳад шуд.

Бино ба иттилоъи равобити умумии УБС ҶТ, дар ин намоишгоҳ бозаргонҳо ва ширкатҳо аз кишварҳои дуру наздик, аз ҷумла Русия, Афғонистон, Белорус, Имороти муттаҳидаи Арабӣ, Куреи Ҷанубӣ, Қазоқистон, Лаҳистон, Олмон, Покистон ва Эрон маҳсулоташонро ба намоишу фурӯш мегузоранд.

Утоқи бозаргониву саноеъ ҳадаф аз баргузории ин намоишгоҳро "тавсеъаи ҳамкориҳои бозаргониву иқтисодӣ миёни Тоҷикистон ва кишварҳои хориҷӣ, ҷазби сармоягузорон барои тавсеъаи иқтисоди миллӣ, эҷоди ширкатҳои муштарак ва афзоиши имконоти содироти Тоҷикистон" гуфтааст.

Дар ин намоишгоҳ бахшҳои сохтусоз, энергетика, корафзорҳои кӯҳканӣ, металлургӣ, саноеъи кимиёӣ, кишоварзӣ, хӯрокворӣ, дармону беҳдошт, саноеъи сабук (таҷҳизот ва фанноварӣ), гардишгарӣ, таҷҳизоту фанновариҳои тавлидӣ, бонкдорӣ, сармоягузорӣ ва дигар риштаҳо муаррифӣ карда мешавад.

Дар чорчӯби ин намоишгоҳ ҳамчунин ҳамоиши бозаргонӣ бо ҳузури бозаргонҳову корофаринони тоҷикӣ ва хориҷӣ баргузор мешавад.

Утоқи бозаргониву саноеъ намоишгоҳ — фурӯшгоҳи байналмилалии "Тоҷикистон — 2017"-ро бо ҳимояти давлати Ҷумҳурии Тоҷикистон баргузор мекунад.

Лентаи хабарҳо
0