Сайфиддин Назарзода шабакаи телевизюнии "Тоҷикистон"-ро ба додгоҳ кашид

© Сомонаи Сайфиддин НазарзодаМудири Китобхонаи миллии Тоҷикистон Сайфиддин Назарзода
Мудири Китобхонаи миллии Тоҷикистон Сайфиддин Назарзода - Sputnik Тоҷикистон
Обуна шудан
Мудири пешини Китобхонаи миллии Тоҷикистон Сайфиддин Назарзода шабакаи телевизюнии "Тоҷикистон"-ро барои туҳмат ба додгоҳ кашидааст

ДУШАНБЕ, 23 авг — Sputnik. Сайфиддин Назарзода мудири пешини Китобхонаи миллии Тоҷикистон, ки чанде пеш барои нақзи Қонуни танзим аз симаташ барканор шуда буд, шабакаи телевизюнии "Тоҷикистон"-ро ба додгоҳ кашидааст.

Дар ин бора як манбаъи Sputnik Тоҷикистон иттилоъ дод. Ҷузъиёти бештари ин қазияро манбаъ ифшо накардааст.

Диловар Вализода, архивное фото - Sputnik Тоҷикистон
Диловар Вализода: Чаро дар Тоҷикистон ба ҷои салла калларо мебаранд?

Худи Назарзода ба суоли Sputnik Тоҷикистон, ки оё ин хабар рост аст, посухе надод ва гуфт вақте барои суҳбат надорад.

Чанде пеш Сайфиддин Назарзода бо амри раисҷумҳури Тоҷикистон аз симаташ барканор шуда буд. Далели барканории ӯ як барномаи телевизюнии "Тоҷикистон" гардид, ки дар он ҷашни домодии писараш намоиш дода мешуд.

Худи Назарзода пас аз ин барнома дар сафҳаи расмиаш вокуниш нишон дода, мақолае бо номи "ҲАСАД Ё БУХЛ?!!" навишт  ва эродҳои шабакаи телевизюниро "аз ҳақиқат дур" унвон кард.

Имрӯз аз ҷониби Маҷлиси намояндагон ба қонуни ҶТ "Дар бораи танзими анъана ва ҷашну маросимҳо" ислоҳҳо ворид карда шуданд. Мувофиқи он мансабдороне, ки ин қонунро нақз мекунанд, аз вазифа сабукдӯш мешаванд.

Лентаи хабарҳо
0