20:01 22 ноябри 2017
Пахши мустақим
Рахматилло Зойиров. Архивное фото

Раҳматилло Зойиров: маро дубора лату кӯб карданд

© Sputnik Амир Исаев
Дар Тоҷикистон
Гирифтани линки кӯтоҳ
286 0 0

Раиси ҲСДТ гуфта, ки дасти росташ дар паи зарба бо милаи оҳанӣ осеб дида ва аз ин рӯ то кунун ба милиса шикоят набурдааст

ДУШАНБЕ, 14 ноя — Sputnik. Раиси Ҳизби сосиал демократи Тоҷикистон Раҳматилло Зойиров дар паёме дар саҳфаи фейсбукиаш навишта, ки чанде пеш афроди ношиносе ӯро лату кӯб карданд.

Вай гуфта, ки ин ҳодиса 9-уми ноябр дар маҳаллаи 103-уми шаҳри Душанбе рух додааст.

"Рӯзи 9-уми ноябр соатҳои 19:00 дар ноҳияи 103-уми пойтахт сагамро ба сайру гашт бароварда будам. Дар ҳамин вақт зане бе ягон далел маро "бенамозу беинсоф" гӯён таҳқир кардан гирифт",- менависад вай.

Ӯ афзудааст, сипас аз куҷое ҷавоне пайдо шуду, ӯ ҳам  "ту Зойирови ватанфурӯш" гӯён ба тавҳин кардан даромад.

"Дар ҳамин вақт марди тахминан 45 сола аз қафо бо милаи оҳании дастадор хост ба сарам зарба занад, аммо ман бо дастонам худро ҳимоя кардам",- менависад Зойиров.

Раиси ҲСДТ тавзеҳ дода, ки дасти росташ дар паи зарба бо милаи оҳанӣ осеб дида ва аз ин рӯ то кунун ба милиса шикоят набурдааст.

"Рахматилло Зойиров сиҳату саломат аст, ин рӯзҳо табобат дорад ва рӯзхои наздик тафсилоти ин ва дигар ходисаҳоро худаш баён хоҳад кард", — ёдоварӣ кардааст раиси ҲСДТ дар паёмаш.

Барчаспҳо:
Раҳматилло Зойиров, Тоҷикистон

Мавзӯъҳои асосӣ