10:33 19 январи 2018
Пахши мустақим
Зан дар роҳ, акс аз бойгонӣ

ВУД: зани 21-солаи душанбегӣ манзилашро ба фоҳишахона табдил дод

© AFP 2018/ THOMAS SAMSON
Дар Тоҷикистон
Гирифтани линки кӯтоҳ
17011

Хонаи истиқоматии ҷавонзан дар кӯчаи Маяковскии шаҳри Душанбе ҷойгир буда, гумонбаршуда чанд маротиба ба ивази пул онро ба фоҳишахона табдил додааст

ДУШАНБЕ, 10 янв — Sputnik. Тавре дафтари матбуотии Вазорати умури дохилаи Тоҷикистон гузориш медиҳад, кормандони милиса дар шаҳри Душанбе зани 21-солаеро ба иттиҳоми ташкили фоҳишахона боздошт кардаанд.

Бино бар иттилои манбаъ, гумонбаршуда, 9-уми январи соли 2018, тахминан соати 18:00-дақиқа, хонаи истиқоматиаш, воқеъ дар кӯчаи Маяковскии шаҳри Душанберо ба фоҳишахона табдил дода, ба шаҳрвандон: марди 24-солаи сокини шаҳри Ҳисор ва зани 26-солаи сокини шаҳри Кӯлоб, барои муносибатҳои маҳрамона шароит фароҳам оварда, аз онҳо 150-сомонӣ гирифтааст.

Афзун бар ин, ҷавонзан рӯзи 6-уми декабри соли 2017, тахминан соати 12:00-дақиқа, хонаи истиқоматиашро ба фоҳишахона табдил дода, ба марди 32-солаи сокини шаҳри Душанбе ва зани 26-солаи сокини Қӯрғонтеппа барои алоқаи ҷинсӣ намудан шароит фароҳам оварда, аз онҳо 150-сомонӣ гирифтааст.

Аз рӯи ин ҳодисаҳо парвандаи ҷиноятӣ оғоз гардида, тафтишот идома дорад.

Барчаспҳо:
фоҳишахона, манзил, ВУД, Тоҷикистон

Мавзӯъҳои асосӣ