Коршиносон: "Бошгоҳ Помир" Русияву Тоҷикистонро муттаҳид мекунад

© Фото : Аккаунт Сергея РекедыВ Хороге проходит международный круглый стол "Памир у истоков дружбы и стратегического партнерства России и Таджикистана"
В Хороге проходит международный круглый стол Памир у истоков дружбы и стратегического партнерства России и Таджикистана - Sputnik Тоҷикистон
Обуна шудан
Чанде пеш дар шаҳри Хоруғ - маркази вилояти мухтори Кӯҳистони Бадахшон - бунгоҳи коршинохтии русиву тоҷикии "Бошгоҳи Помир" бунёдгузорӣ шуд

ДУШАНБЕ, 13 окт — Sputnik. Коршиносон бар ин боваранд, ки фаъолияти ин майдони гуфтугӯи Русияву Тоҷикистон ба суди ҳамкориҳои иқтисодиву тиҷорӣ ва омӯзишиву илмиву фарҳангӣ миёни ду кишвар хоҳад буд. 

Дирӯз дар маркази расонаии хабаргузории байналмилалии "Россия сегодня" маросими муаррифии форуми "Бошгоҳи Помир" баргузор шуд, ки ҳафтае пеш дар шаҳри Хоруғ — маркази вилояти мухтори Кӯҳистони Бадахшон — роҳандозӣ шуда буд.

"Ҳусни ин бошгоҳ дар ин аст, ки мавзуъҳо дар чорчӯби он дар гуфтугӯи зинда миёни коршиносон аз Русия ва Тоҷикистон баҳсу баррасӣ хоҳанд шуд. Дар мизи гирде, ки 4 октябр дар шаҳри Хоруғ бо мавзуъи "Помир — хостгоҳи дӯстӣ ва ҳамкориҳои роҳбурдии Русия ва Тоҷикистон" баргузор шуда буд, мавзуъҳои аслии баҳсу баррасии ин бошгоҳ мушаххас шуданд. Ин мавзуъҳо масоили сармоягузорӣ, забони русӣ ва мактабҳои русизабон дар вилояти мухтори Кӯҳистони Бадахшон, ҳамкориҳо дар заминаҳои омӯзишӣ ва фарҳангӣ ҳастанд", — гуфт дар ин маросим Сергей Рекеда, мудири иҷроии Маркази иттилоъоту таҳлилӣ.

Вай афзуд, ки коршиносони ин бошгоҳ ба навбат дар Хоруғ ва бархе аз шаҳрҳои Русия ва гоҳе низ чун видеоҳамоиш нишастҳо баргузор хоҳанд кард.

Вид на город Хорог, ГБАО. Архивное фото. - Sputnik Тоҷикистон
Русия ва Тоҷикистон дар "Бошгоҳи Помир" гуфтугӯ мекунанд

Мавзуъҳои аслии баҳсу баррасиҳои "Бошгоҳи Помир" вазъи забони русӣ дар Тоҷикистон, сармоягузории Русия дар иқтисоди ин кишвар ва ҳамкориҳои илмиву омӯзишӣ гуфта шудаанд.

Александр Гушин, донишёри Донишгоҳи улуми инсонии Русия, мегӯяд, ин нукта муҳим аст, ки ин бошгоҳ на дар пойтахти Тоҷикистон, балки дар яке аз минтақаҳо — вилояти мухтори Кӯҳистони Бадахшон бунёд шудааст.

Никита Мендкович, раҳбари "Боҳгоши таҳлилии Уросиё", низ бо Гушин ҳамназар аст. Вай муътақид аст, ки ин бошгоҳ дар густариши ҳамкорӣ миёни минтақаҳои Русия ва Тоҷикистон саҳми арзанда хоҳад гузошт ва аз ин рӯ судаш бештар аст.

"Тарҳҳо мо бештар дар пойтахтҳо ва ё бо миёнҷигарии пойтахтҳо иҷроӣ мешаванд, ба ин гумон, ки зерсохторҳо дар пойтахтҳо пешрафтатару кору куниш осонтар аст. Вале ин  рӯйкард амалисозии ибтикорҳои моро ба ниҳодҳои давлатии он кишварҳо вобаста мекунад. Аз ин рӯ, беҳтар аст, ки дар сатҳи минтақаҳо корро роҳ андозем то боздеҳаш зудтару воқеъитар бошад", — гуфт Мендкович.

Ширкаткунандагон дар ин нишасти расонаӣ се мавзуъи аслии кору куниши "Бошгоҳи Помир"-ро баррасӣ карданд ва тавзеҳ доданд, ки чаро ҳамкориҳои илмиву омӯзишиву фарҳангӣ ҳамроҳ бо афзоиши ҳаҷми сармоягузориҳо муҳимтарин омили ободонии Кӯҳистони Бадахшон аст, ки сарзаминаш гардишгарони бисёреро аз гӯшаву канори ҷаҳон ба худ ҷалб мекунад.

Генеральный директор Информационно-аналитического центра по изучению общественно-политических процессов на постсоветском пространстве при МГУ Сергей Рекеда - Sputnik Тоҷикистон
Рекеда: дар "Бошгоҳи Помир" масоили сармоягузорӣ ва забони русӣ баррасӣ хоҳанд шуд

Зарина Додобоева, корманди аршади илмии Пажӯҳишгоҳи иқтисоди Фарҳангистони улуми Русия, мегӯяд, ҳамакнун бештарин сармоягузориро дар ВМКБ Чин анҷом додааст. Аз ин рӯ, "Бошгоҳи Помир" аҳамияти дучандон пайдо мекунад.

"Ногуфта пайдост, ки ибтикори бунёди "Бошгоҳи Помир" бисёр бамавқеъ ва зарурӣ аст. Ин бошгоҳ ниҳоде судманд барои густариши ҳамкориҳо бо яке аз кишварҳои пасошуравӣ хоҳад шуд", — таъкид кард Гушин.

Ба гуфти вай, роҳандозии "Бошгоҳи Помир" гувоҳ бар ин воқеъият аст, ки пешрафте ҷиддӣ дар заминаи сиёсати башардӯстонаи Русия рух додааст.

"На танҳо бунёди ин бошгоҳ, балки он пуштивонаи хабариву иттилоъотие, ки ин бошгоҳ бо бунёдгузорияш ба даст овардаву дар оянда низ хоҳад овард, муҳим аст", — тавзеҳ дод ин коршинос.

Гушин аҳамияти гардишгариро низ ёдоварӣ карду гуфт: "Помир, чуноне ки ҳамаамон медонем, мустақиман бо кӯҳнавардӣ, табиъатгардӣ, гардишгарии мардумшинохтӣ пайванд дорад", — афзуд Гушин.

Коршиносон қарор доданд, ки нахустин нишасти "Бошгоҳи Помир"-ро ҳарчи зудтар баргузор кунанд. Қарор шуд, ки Нахустин нишасти "Бошгоҳи Помир" дар авоили соли 2018 баргузор шавад.

Лентаи хабарҳо
0