Дар Афғонистон тайи як шабонарӯз 40 ҷангӣ нобуд карда шуд

© AFP 2023 / Noorullah Shirzada Қувваҳои мусаллаҳи Афғонистон ҳамгоми мубориза бо ҷангиёни ДИИШ дар Нангарҳор. Акс аз бойгонӣ
Қувваҳои мусаллаҳи Афғонистон ҳамгоми мубориза бо ҷангиёни ДИИШ дар Нангарҳор. Акс аз бойгонӣ - Sputnik Тоҷикистон
Обуна шудан
Аз вазорати мудофиаи Афғонистон иттилоъ медиҳанд, ки амалиётҳои ҷустуҷӯӣ дар вилоятҳои Ғазна, Ҳирот ва Нангаҳор гузаронида шуданд. Дар бораи талафот аз ҷониби қувваҳои мусаллаҳи кишвар хабар дода намешавад.

ДУШАНБЕ, 21 апр — Sputnik. Қувваҳои мусаллаҳи Афғонистон дар пайи як амалиёти вижа, ки дар як қатор минтақаҳои кишвар гузаронида шуд, дар давоми як шабонарӯз зиёда аз 40 ҷангиро нобуд сохтанд, иттилоъ медиҳад РИА Новости бо такя ба хабаргузории Khaama Press.

Сарбози афғонистонӣ дар назди киштзори кӯкнор - Sputnik Тоҷикистон
Афғонистон аз ҷомеаи ҷаҳонӣ кӯмак мехоҳад

Мувофиқи изҳороти вазорати мудофиаи Афғонистон амалиётҳои ҷустуҷӯӣ дар вилоятҳои Ғазна, Ҳирот ва Нангарҳор гузаронида шуданд. Дар маҷмӯъ, 40 ҷинояткор нобуд карда шуда, 20 тани дигар захмӣ шуданд. Дар бораи талафот аз ҷониби қувваҳои мусаллаҳ хабар дода намешавад.

Авзоъи Афғонистон тайи моҳҳои охир ба таври куллӣ ноором шудаст. Ҳаракати радикалии "Толибон", ки қаблан қисми зиёди минтақаҳои аҳолинишинро ғасб карда буд, акнун ба шаҳрҳои бузург ҳуҷум мекунанд. Инчунин, дар ҳудуди ин кишвар таъсири гурӯҳи ҷиноии "Давлати исломӣ" зиёд шудааст.

Шурӯъ аз 18 то 22 апрели соли ҷорӣ дар қаламрави Тоҷикистон омӯзиши ҳарбӣ бо иштироки кишварҳои СПАД, ки омодагии худро барои мубориза бо ҳаракати "Толибон" нишон медиҳад, баргузор мегардад.

Лентаи хабарҳо
0