Дар Узбакистон 945 биноҳои нави бисёрошёна сохта мешаванд

© SputnikТошканд. Акс аз бойгонӣ
Тошканд. Акс аз бойгонӣ - Sputnik Тоҷикистон
Обуна шудан
Хонаҳои нави истиқоматӣ барои 50 ҳазор оила дар шаҳри Тошканд дар ҳудуди Ҷумҳурии Қароқалпоқистон ва дигар минтақаҳо сохта хоҳанд шуд

ДУШАНБЕ, 25 окт — Sputnik. Иҷрокунандаи муваққатии вазифаи президенти Ҷумҳурии Узбакистон Шавкат Мирзиёев мехоҳад дар қаламрави кишвар наздики ҳазор биноҳои нави истиқоматӣ бунёд намояд, хабар медиҳад хадамоти матбуоти сарвазири кишвар.

Ба гуфти ӯ дар ҳоли ҳозир  барномаи сохтмони биноҳои баландошёнаи истиқоматӣ дар аксари шаҳрҳо омода карда мешавад. Дар назар аст, ки биноҳои нав дар муддати солҳои 2017-2020 сохта шаванд.

Шиносномаи шаҳрванди Узбакистон.Акс аз бойгонӣ - Sputnik Тоҷикистон
Кормандони давлатии Узбакистон соҳиби иҷозатномаи зист дар Тошканд мегарданд

Мирзиёев илова кард, ки биноҳои панҷ, ҳафт ва нӯҳошёна дар ҳудуди шаҳри Тошканд, Ҷумҳурии Қароқалпоқистон ва дигар манотиқи кишвар сохта хоҳанд шуд.

Илова бар ин дар соли 2017 дар  деҳот сохтани тақрибан 15 ҳазор манзилҳои нави зист дар назар аст.

Қаблан хабар дода шуд, ки баъди баргаштани қисми зиёди муҳоҷирон ба ватан дар Узбакистон масъалаи манзили зист тезу тунд шуд.  Шумораи хоҳишмандони харидори манзил аз фурӯшандаҳо чандин маротиба зиёд мебошад.

Мувофиқи маълумот наздики 3-4 миллион шаҳрвандони Узбакистон берун аз кишвар ба сар мебаранд.

Лентаи хабарҳо
0