01:01 09 декабри 2016
Пахши мустақим
Журналистон. Акс аз бойгонӣ

Рӯзноманигорони ОМ аз навгониҳои соҳаи журналистика огоҳ мешаванд

© Sputnik / Михаил Корытов
Осиё
Гирифтани линки кӯтоҳ
14 0 0

Ба Форуми байналмиллалӣ кормандони ҷавон ва роҳбарони ВАО-и Қазоқистон, Қирғизистон, Узбакистон, Тоҷикистон ва Русия даъват шудаанд

ДУШАНБЕ, 22 ноя — Sputnik. Форуми Осиёи Марказии "Журналистикаи созанда дар тамоюли ҷаҳонӣ ва минтақавӣ", санаи 28-29-уми ноябр баргузор мешавад, хабар медиҳад Sputnik Узбакистон.

Форум аз ҷониби маркази сиёсии "Север-Юг"-и Русия бо дастгирии Бунёди байнидавлатии башардӯстонаи ИДМ ва Ташкилоти ҷамъиятии "Российский союз молодежи" баргузор мегардад.

"Мақсад аз баргузории форум-ташаккули робитаҳои доимии касбӣ байни намояндагони ВАО-и Осиёи Марказӣ ва Русия ҷиҳати рушди фазои ягонаи гуманитарӣ ва таҳкими муколамаи байнифарҳангӣ мебошад",-омадааст дар иттилоия.

Ба Форуми байналмиллалӣ кормандони ҷавон ва роҳбарони ВАО-и Қазоқистон, Қирғизистон, Узбакистон, Тоҷикистон ва Русия даъват шудаанд.

Барномаи форум аз дарсҳо, мизи мудаввар, тренинг ва мастер классҳо, ки ба масъалаҳои омода намудани маводи мултимедиавӣ бахшида шудаанд, иборат аст.

Дар форум журналистони шинохта, фаъолони ҷамъиятӣ, сиёсатмадорон ва коршиносони соҳаи ҷамъиятшиносӣ, пешкорони афкори оммаи Русия ва кишварҳои Осиёи Марказӣ ба сифати баромадкунандагон иштирок менамоянд.

Ҳамчунин дар доираи форум баргузории мизи мудаввар дар мавзӯъи "Ташаккули симои мусбии лоиҳаи ҳамгироии АвруОсиё-нерӯи лоиҳаҳои байнидавлатӣ" дар назар аст. Дар баробари ин лоиҳаҳои минтақавӣ пешниҳод хоҳанд шуд.

Барчаспҳо:
тренинг, навгониҳои соҳаи журналистика, мизи мудаввар, баррасӣ, Бунёди байнидавлатии башардӯстонаи ИДМ, Ташкилоти ҷамъиятии "Российский союз молодежи, Екатеринбург

Мавзӯъҳои асосӣ