08:44 19 октябри 2017
Пахши мустақим
Роҳи оҳан. Акс аз бойгонӣ

Узбакистон нархи таробарии колоҳои Тоҷикистонро 40 дарсад арзон кард

© Sputnik / Сергей Пятаков
Осиё
Гирифтани линки кӯтоҳ
51 0 0

Узбакистон барои ҳамлу нақли колоҳои Тоҷикистон аз роҳҳои оҳанаш 40 дарсад тахфиф муқаррар кардааст

ДУШАНБЕ, 11 авг — Sputnik. Ширкати "Ӯзбекистон темир йӯллари" нархи ҳамлу нақли колоҳои Тоҷикистон аз роҳҳои оҳани Узбакистонро 40 дарсад арзон кард.

Бино ба гузориши Sputnik Узбакистон, Даврон Деҳқонов, муовини раиси ширкати "Ӯзбекистон темир йӯллари" дар нишасти расонаӣ гуфтааст, ки ҳадаф аз ин иқдом афзудани ҳамлу нақли бор бо корёрии ширкати "Роҳҳои оҳани Узбакистон" аст.

Вай гуфтааст, ки ин авохир раванди афзоиши боркашонӣ ба кишварҳои ҳамсоя  мушоҳида мешавад ва ин ширкати таробарии узбакӣ бо пайгирӣ ва баррасии ин раванд тасмим гирифтааст тахфифе барои боркашонҳои тоҷикӣ бидиҳад.

"Бо ҳамкорони тоҷикамон равобити гарму боэътимод дорем. Мо мунтазам мулоқот дорем ва дар ин дидорҳо ҳама масоили марбут ба боркашониро сари вақт ҳалл мекунем", — гуфтааст Деҳқонов. 

Ин масъули ширкати ҳамлу нақли "Роҳҳои оҳани Узбакистон" гуфта, ки ҳамакнун борбарӣ миёни Узбакистон ва Тоҷикистон аз роҳҳои оҳани мавҷуд сурат мегирад ва Узбакистон зарурати бунёди қитъаҳои нави роҳи оҳан миёни ду кишварро намебинад.

"Бору колоҳо ба Тоҷикистон куллан аз гузаргоҳи Қудуқлӣ дар вилояти Сурхондарё ҳамлу нақл мешаванд. Борҳо сари вақт расонида мешаванд, ҳечгуна деркарде дар ҳамлу нақл нест, бино бар ин ниёзе барои бунёди қитъаҳои нави роҳи оҳан нест. Сохтмони қитъаи нави роҳи оҳан манфиати иқтисодие барои кишвари мо надорад", — таъкид кардааст муовини раиси "Ӯзбекистон темир йӯллари".

Барчаспҳо:
интиқоли амвол, тахфиф, роҳи оҳан, Тоҷикистон-Узбакистон

Мавзӯъҳои асосӣ