ДУШАНБЕ, 2 окт — Sputnik. Нерӯҳои мусаллаҳи Эрону Туркия ҳамкориҳои густардае дар заминаи омӯзишҳову размоишҳо, табодули таҷруба ва мубориза бо теруризм хоҳанд дошт, гуфт сардори Ситоди кулли НМ ҶИЭ сарлашкар Муҳаммад Боқирӣ.
Сарлашкар Боқирӣ дар нишасти расонаӣ бо ҳамтои туркаш артишбад Ҳулусӣ Окор, ки бо сафари расмӣ дар Теҳрон қарор дорад, гуфт: "Дар мавриди таҳдидоти муштараки ду кишвар ва ҳамчунин масъалаи ҳамапурсӣ дар иқлими Курдистони Ироқ бо таъкид бар ҳифзи якпорчагии Ироқ ва напазируфтани ҳамапурсӣ музокира кардем".
Сардори Ситоди кулли Нерӯҳои мусаллаҳи Туркия низ гуфт: "Афзун бар равобити сиёсӣ ва иқтисодӣ кӯшиш мекунем равобити низомиро ҳам густариш диҳем. Бавижа, дар заминаи муқобила бо теруризм ва амнияти марзҳо ба тавофуқоте расидем ва барои густариши ҳамкориҳо талош мекунем".
