Аморотиҳо раводиди Тоҷикистонро осон дарёфт хоҳанд кард

© Фото : МИД РТКонсультации консульских служб МИД Таджикистана и ОАЭ
Консультации консульских служб МИД Таджикистана и ОАЭ - Sputnik Тоҷикистон
Обуна шудан
Дарёфти раводиди Тоҷикистон барои шаҳрвандони Амороти Муттаҳидаи Арабӣ осон шуд

ДУШАНБЕ, 20 ноя — Sputnik. Аҳмад Илҳом ал-Даҳрӣ, мушовири муовини вазири умури хориҷии Амороти Муттаҳидаи Арабӣ дар умури консулгарӣ, аз осон шудани дарёфти раводиди Тоҷикистон барои шаҳрвандони ин кишвар хабар дод.

Вай дар суҳбат бо хабарнигорон гуфта, ки Вазорати умури хориҷа ва ҳамкориҳои байналмилалии АМА аз ҳамтоёни тоҷикаш ёддошти тафоҳум миёни ҳукуматҳои ду кишварро дарёфт кардааст.

"Бар асоси ин нома шаҳрвандони Аморот аз ин пас метавонанд раводиди Тоҷикистонро мустақиман дар марз дарёфт кунанд. Ин шароит шомил гузарномаҳои дипломатик ва одӣ мешавад", — тавзеҳ додааст ал-Даҳрӣ.

Памятник в честь создания ОАЭ - Sputnik Тоҷикистон
Аморат хостори зудтар фиристодани қувваи корӣ аз Тоҷикистон шуд

Ин мақоми аморотӣ ин гоми Вазорати умури хориҷии Тоҷикистонро баёнгари алоқамандии Душанбе барои устуворсозӣ ва жарфиши равобит бо Амороти Муттаҳидаи Арабӣ дониставу гуфта, ки ҳамкориҳои ду кишвар дар оянда дар заминаҳои гардишгарӣ, иқтисодб ва тиҷорат беш аз пеш хоҳад шуд.

Чанд рӯз пеш аз ин Амороти Муттаҳидаи Арабӣ аз Тоҷикистон хоста буд, ки ҳарчӣ зудтар Ёддошти тафоҳум миёни Ҳукумати Ҷумҳурии Тоҷикистон ва Ҳукумати Амороти Муттаҳидаи Арабӣ дар заминаи доду ситади нерӯи кориро тасвиб кунад.

Лентаи хабарҳо
0