Пешниҳоди Узбакистон: Рӯзҳои фарҳангии Тоҷикистонро дар Узбакистон баргузор кунед

© Sputnik/ Сергей КузнецовНародный артист Узбекистана Гуломжон Ёкубов
Народный артист Узбекистана Гуломжон Ёкубов - Sputnik Тоҷикистон
Обуна шудан
Вазири фарҳанги Узбакистон ба вазири фарҳанги Тоҷикистон намае навишта даъват кардааст, ки дар кишвар Рӯзҳои фарҳангии Тоҷикистон баргузор карда шавад

ДУШАНБЕ, 7 июн — Sputnik. Тавре Вазорати фарҳанги Тоҷикистон иттилоъ медиҳад, ба наздикӣ вазири фарҳанги Узбакистон Маҳмуд Муротов ба вазири фарҳанги Тоҷикистон Шамсуддин Орумбеков номаи сипос ирсол кардааст.

Тавре дар гузориш қайд мегардад, Маҳмуд Муротов ба Вазорати фарҳанги Тоҷикистон барои таҳкими робитаҳои фарҳангӣ ду ҳамсоякишвар миннатдории худро баён намудааст.

"Сипоси бекарони худро бар Шумо барои дастгириатон дар баргузории Рӯзҳои фарҳанги Узбакистон дар Тоҷикистон баён менамоям. Рӯзҳои фарҳанги Узбакистон дар Тоҷикистон бо шукӯҳу шаҳомати хос гузаштанд. Ин бори дигар нақши бузурги фарҳанг ва санъатро дар рушди муносибатҳои дуҷонибаи дӯстона тасдиқ намуд", — гуфта мешавад дар матни нома.

Девушки исполняют национальный танец. Архивное фото - Sputnik Тоҷикистон
Рӯзҳои фарҳангии Тоҷикистон дар Туркманистон баргузор мешавад

Инчунин вазири фарҳанги Узбакистон Маҳмуд Муратов бо мақсади таҳкими робитаҳои ду кишвар баргузории Рӯзҳои фарҳанги Тоҷикистонро дар Узбакистон дар семоҳаи охири соли 2017 таклиф кардааст.

Дар охири нома Маҳмуд Муратов умед бар он бастааст, ки муносибати фарҳангии ду кишвар бо чунин суръати тез идома ёфта, соҳаҳои нави ҳамкориро дар бар хоҳанд гирифт.

Лентаи хабарҳо
0