00:25 18 августи 2017
Пахши мустақим
Парчами ДИ. Акс аз бойгонӣ

Ҷангиёни “ДИ” ду табаъайи Бангладешро озод карданд

AP Photo, File
Амният
Гирифтани линки кӯтоҳ
2 0 0

Ҳангоми ҳамла ба кони нафт дар авоили моҳ 11 нафар муҳофиз кушта ва 9 нафар кормандони хориҷии ширкати VAOS ба асорат гирифта шуданд. Ба ҷуз аз ду табаъайи Бангладеш ба асорат ҳамчунин як шаҳрванди Чехия, Австрия, Гана ва чаҳор нафар шаҳрвандони Филиппин асир гирифта шуданд.

ДУШАНБЕ, 25 мар — Sputnik. Ҷангиёни гурӯҳи тундрави "Давлати исломӣ" ду табаъайи Бангладеш, ки ҳангоми ҳамла ба кони нафт дар Либия асир гирифта шуда буданд, озод шудаанд, менависад РИА Новости бо истинод ба вазорати хориҷии Бангладеш.

"Хелал Уддин (Helal Uddin) и Муҳаммад Анвар Ҳуссей (Mohammed Anowar Hossain) шоми рӯзи сешанбе озод карда шуданд. Феълан онҳо дар бемористони шаҳри Сирта дар шимоли Либия қарор доранд", — менависад хабаргузории Рейтер бо истинод ба баёнияи вазорати умури хориҷии Бангладеш.

Ба далели ҳамалоти террористҳо дар ҳафтаҳои ахир мақомоти Либия водор шуданд, ки умури иктишофӣ дар 11 кони нафтро муттафақиф созанд. Ба эътиқоди сухангӯйи артиши Либия, ҳадафи дарозмуддати исломгароён ғасби куллияи истихроҷи нафт дар кишвар аст.

Аз замони сарнагунӣ ва қатли раҳбари кишвар Муаммар Қаззофӣ дар соли 2011 Либия бӯҳронеро паси сар мекунад. Дар пайи ихтилофот дар Либия дуҳокимиятӣ роиҷ аст. Бархе аз манотиқи Либияро мақомоти марказӣ аслан назорат намекунанд.

Гурӯҳи ДИ, ба иттилоъи Раёсати марказии иктишофӣ, ҳудуди 30 ҳазор нафар ҷангҷӯро дар суфуфаш қарор дорад ва дар манотиқи забтшудаи Ироқ ва Сурия хилофатро эълом карда талош дорад ин манотиқро тавсеъа диҳад. Гурӯҳҳои мухталиф дар Либия, Миср, Афғонистон, Нигерия барои садоқат ба ДИ савганд ёд кардаанд. Алайҳи ин гурӯҳ нерӯҳои давлатии Сурия ва Ироқ, эътилофи байналмиллалӣ ба раҳбарии ИМА ва ҳамчунин курдҳои Ироқ ва Сурия мубориза мекунанд.

Дар пайи амалиёти низомӣ чанд ҳазор нафар аз сокинони осоишта кушта ва садҳо ҳазор нафар гуреза шудаанду ва чанд ҳазори дигар дар асорати ДИ қарор доранд.

Мавзуъ

Ашраф Ғанӣ аз кушта шудани ду фармондеҳи ДИ дар Афғонистон хабар дод
“ДИ” навори видеоии қатли ҷосуси гумонбари исроилиро нашр кард
Эрдуғон: ДИ талош дорад фарҳанги исломиро маҳв созад
Дар Ӯзбакистон китоби “Фитнаи ДИ” мунташир шуд
ВАО: ба ҳаммуъассиси Twitter барои бастани сафаҳоти ДИ таҳдид мекунанд
Террористҳои “ДИ” 40 нафар суннимазҳабро дар Ироқ қатл карданд
ИФА Русия: дар суфуфи “ДИ” бист ҳазор атбоъи хориҷӣ меҷанганд
ДИ кӯшиши даст ёфтан ба силоҳи кимиёвиро дорад?
Владимир Путин: танҳо бо зарбаҳои ҳавоӣ мушкили “ДИ” рафъ намешавад
Барчаспҳо:
ду гаравгон озод шуд, ҷанг, озодии ду гаравгон, ДИИШ, ДИ, "Давлати исломӣ", Муаммар Каззофӣ, Муҳаммад Анвар Ҳуссей, Хелал Уддин, Бангладеш, Либия

Мавзӯъҳои асосӣ