00:59 21 сентябри 2017
Пахши мустақим
Маҳви мухаддирот. Акс аз бойгонӣ

Се атбоъи тоҷик ба иттиҳоми ҳероин дар вилояти Москав боздошт шуданд

© Sputnik / Александр Алпаткин
Амният
Гирифтани линки кӯтоҳ
1 0 0

Дар вилояти Москав аз фаъолияти гурӯҳи ҷиноӣ, ки ба тавзеъи ҳероин машғул буду дар суфуфаш чанд нафар қочоқчиён ва фурӯшандаҳо буданд боздошт шудаанд ва онҳо ба муштариён ҳероинро тавассути махфигоҳҳо тавзеъ мекардаанд.

ДУШАНБЕ, 29 май — Sputnik. Пулиси зиддимухаддаротии вилояти Москав се нафар шаҳрванди Тоҷикистонро ба иттиҳоми тавзеъи ҳероин боздошт кардааст ва аз онҳо беш аз 8,5 килограмм мухаддирот забт шудааст, хабар медиҳад маркази матбӯъотии раёсати ИФНММ Русия дар вилояти Москав.

"Фаъолияти гурӯҳе ҷилавгирӣ шуд, ки дар он харидорони мӯътоди ноболиғ ва қочоқчиёне шомил буданд, ки ҳероинро аз манотиқи дигар ба вилояти Москав интиқол медоданд", — омадааст дар хабар.

Маъмурон тавзеъкунандагони ҳероинро баъд аз он ба назорат гирифтанд, ки дар постгоҳи пулиси роҳ дар ноҳияи Кашира хонуми бекори тоҷикистонӣ бо 750 граам ҳероини басташуда боздошт шуд. Ҳангоми бозрасии манзили хонуми боздоштшуда маъмурон дар он ҷо боз боз як нафар бекори тоҷикистониро диданд, ки аз манзил ҳамон миқдор ҳероинро берун мебаровард.

"Зимни бозрасии манзил, дар ошхона дар паси ҷевончае боз як миқдори бузурги мухаддироти 2 килограммии барои фурӯш омодашуда забт карда шуд. Дар ин манзил қочоқчиён бо дарёфти ин маводд онро бо ҳар гуна изофаҳо омехта карда, вазни онро зиёд мекарданду сипас ба бастаҳо тақсим ва тавассути пинҳонгоҳҳо ба харидорон тавзеъ мекарданд", — зикр шудааст дар хабар.

Ҳангоми бозпурсии муттаҳамон ошкор шуд, ки ба ин суроға дар зудтарин фурсат бояд миқдори навбатии бузурги ҳероин ироъа шавад.

Маъмурон ҳуввияти ин қочоқчиро мушшахас карданд. Ин зодаи 29 солаи шаҳри Душанбе будааст. Аз пайи вай назорат роҳандозӣ шуд ва ҳангоми интиқоли ҳероин тавассути мошини хориҷиаш боздошт карда шуд.

"Зимни бозрасии мошин дар ҷойгоҳи маводди сӯхтӣ махфигоҳе ошкор шуд ва аз он ҳудуди 5 килограмм ҳероин заб гардид. Мухаддироти забтшуда дараҷаи олӣ мебошад ва дар таркибаш вуҷуди диастетилморфин 60% буд. Барои мисол: бастаҳои ҳероине, ки дар хиёбонҳо тавзеъ мешаванд дорои 2,5-3% диастетилморфин мебошад", — таъкид кард маркази матбӯъотӣ.

Алайҳи куллияи боздоштшудагон парвандаи ҷиноӣ боз шудааст ва маъмурон аъзои дигари ин гурӯҳи ҷиноиро кофтукоб мекунанд.

Мавзуъ

Боздошти як сокини Душанбе бо 4 кило ҳероин
Дар АНМН “Масири ҳероин” баррасӣ шуд
Боздошти як тоҷикистонӣ дар Маскав бо 70 кг ҳероин
Афғонистон дар тавлиди ҳероин ва ҳашиш дар ҷаҳон пешсаф мебошад
Додгоҳи Дубай барои 13 килограмм ҳероин 10 соли зиндонро раво дид
Шаҳрвандони ҶТ бо 10 кг ҳероин дар вилояти Маскав боздошт шуданд
Барчаспҳо:
боздошти қочоқчиёни тоҷик, ИФНММ вилояти Москав, Тоҷикистон, вилояти Москав, Русия

Мавзӯъҳои асосӣ