Дувоздаҳ узви “Ҳизби Таҳрир” дубора маҳкум шуданд

© Sputnik / Гузариш ба медиабонкДодгоҳ. Акс аз бойгонӣ
Додгоҳ. Акс аз бойгонӣ - Sputnik Тоҷикистон
Обуна шудан
Ин афрод дар дохили зиндон махфигоҳ ташкил карда, адабиёт, наворҳо ва фиттаҳои таблиғӣ интишор медодаанд.

ДУШАНБЕ, 24 июл — Sputnik. Додгоҳи шаҳри Ваҳдат барои ташкили махфигоҳ дар зиндони "Кирпичний" 12 узви маҳкумшудаи "Ҳизби Таҳрир"-ро дубора аз 16 то 23 сол аз озодӣ маҳрум кард, менависад "Радиои Озодӣ".

Панҷ узви “Ҳизби таҳрир” дар Хуҷанд зиндонӣ шуданд

Як мақоми Раёсати иҷрои ҷазои ҷиноятии Вазорати адлияи Тоҷикистон ба "Озодӣ" хабар додааст, ки ин ҳукм дар дохили маҳбаси 3/2, маъруф ба "Кирпичний"-и шаҳри Ваҳдат эълон шудааст. Қаблан айбдоркунандаи давлатӣ Завқиддин Нуъмонов аз додгоҳ хоста буд, ин 12 узви Ҳизби Таҳрирро аз 22 то 27 соли зиндон ҷазо бидиҳад.

Ин афрод пештар барои узвият дар ҳизби фаъолияташ дар Тоҷикистон мамнӯи "Ҳизби Таҳрир" аз 10 то 16 сол равонаи зиндон шуда буданд. Мақомот онҳоро дубора ба он айбдор карданд, ки тайи чанд соли охир қуттии симҳои электрикии дохили чойхонаи маҳбасро ҳамчун махфигоҳ барои нигоҳдории телефону кассетаҳои сабти овоз истифода кардаанд.

Ба гуфтаи мақомот, дар ин махфигоҳ 27 телефони мобилӣ, 41 симкорт, 11 гӯшӣ (наушник), 1 дастгоҳи сабти навор (видеокамера), 3 МP3, 28 дастгоҳи сабт ва 6 дона USB маҳфуз буда, аъзои "Ҳизби Таҳрир" бо истифода аз онҳо барои таблиғу ташвиқи аҳдофи худ, яъне таъсиси хилофат ва ҷалби афрод ба ин созмон, истифода мекардаанд.

Лентаи хабарҳо
0