Facebook, Microsoft, Twitter ва YouTube бар зидди терроризм мубориза мебаранд

© Sputnik / Наталья Селиверстова / Гузариш ба медиабонкСаҳифаи иҷтимоии Фейсбук. Акс аз бойгонӣ
Саҳифаи иҷтимоии Фейсбук. Акс аз бойгонӣ - Sputnik Тоҷикистон
Обуна шудан
Саҳифаҳои иҷтимоии Facebook ва Twitter, корпоратсияи Microsoft ва видеохостинги YouTube ният доранд, махзани умумии нигоҳдории маълумотро тартиб дода бо ин роҳ зидди терроризм мубориза баранд

ДУШАНБЕ, 6 дек — Sputnik. Ҳамаи маводҳо ва видеоҳои хабарии манъшуда бо "изи ангушт"-и электронӣ нишонӣ шуда, маълумот дар бораи маводҳои манъшуда дар махзани умумӣ нигоҳдорӣ  мешавад.

Барномаи телдефонии WhatsApp. Акс аз бойгонӣ - Sputnik Тоҷикистон
Соли 2017 бе WhatsApp: миллион смартфонҳо аз WhatsApp маҳрум мешаванд

Чунин иқдом барои мубодилаи босуръати иттилоот миёни ташкилотҳои дар боло зикршуда ва бартараф кардани маълумоти манъшуда имконияти хуб хоҳад буд, хабар медиҳад РИА Новости.

Махзани "хеш"- маводҳое чун, сурати террористон, ё видео ва сурати ташвиқотиро нигоҳ медорад.

Аъзоёни махзан  аз "хеш"-и умумӣ истифода карда, метавонанд маводеро, ки мавзӯъ ё мӯҳтавои он ба саҳифаи номбурда муқобил аст, ёфта, онро тоза кунанд.

Роҳбарияти ширкатҳои мазкур дар ояндаи наздик мехоҳанд дигар саҳифаҳои иҷтимоиро низ ба ҳамкорӣ ҷалб намоянд.

Лентаи хабарҳо
0