07:21 15 декабри 2017
Пахши мустақим
Посол РТ в ИРА Шарофиддин Имомов и глава МИД Афганистана Салахуддин Раббани

Тоҷикистону Афғонистон шаҳрвандони зиндонияшонро аз якдигар бозпас мегиранд

© МИД Афганистана
Амният
Гирифтани линки кӯтоҳ
61 0 0

Сафири Тоҷикистон дар Кобул дар дидор бо вазири умури хориҷаи Афғонистон раванди иҷрои созишномаи вопасдоди зиндониёни ду кишварро баррасӣ карданд

ДУШАНБЕ, 8 авг — Sputnik. Сафири Тоҷикистон дар Афғонистон Шарофиддин Имомов дар Кобул бо вазири умури хориҷаи Афғонистон Салоҳиддин Раббонӣ раванди иҷрои созишномаи вопасдоди зиндониёни ду кишварро баррасӣ кард.

Ба гузориши дафтари иттилоърасонии ВУХ Афғонистон, дар ин дидор ҳамкориҳои ду кишвар дар заминаҳои иқтисодӣ ва консулӣ, аз ҷумла иҷрои созишномаи вопасдоди зиндониён ва дидорҳои расмии мақомоти ҶИА ва ҶТ аз кишварҳои ҳамдигар баррасӣ шудаанд.     

Дар ин мулоқот Тоҷикистону Афғонистон барои вопас додани бархе аз базаҳкорони зиндонӣ ба якдигар ба мувофиқа расиданд.

Бар пояи иттилоъи мақомоти тоҷик, то оғози соли 2016 дар зиндонҳои Афғонистон камубеш 20 шаҳрванди Тоҷикистон, аз он ҷумла 7 зан бо фарзандонашон, зиндонӣ буданд.

Сафорати Афғонистон дар Душанбе иттилоъ дода, ки ҳамакнун беш аз 90 шаҳрванди ҶИА дар зиндонҳои Тоҷикистон зиндонӣ аст. Бисёре аз онҳо барои қочоқи маводди мухаддир ва марзшиканӣ боздошт ва зиндонӣ шудаанд.

Бино бар созишномаи вопасдоди зиндониён, ки вазоратҳои умури хориҷаи ҶТ ва ҶИА дар соли 2010 имзо ва маҷлисҳои қонунгузори ду кишвар тасвиб кардаанд, зиндониён танҳо бо ризояти худ барои гузарондани боқимондаи маҳкумият ба кишварашон бозпас фиристода мешаванд.

Дар чорчӯби ин созишнома дар соли 2013 як гурӯҳи 14-нафарии зиндониёни афғонистонӣ аз зиндонҳои Тоҷикистон ба кишварашон бозпас дода шудаанд.

Мавзуъ

Эрон барои пажӯҳиши Осиёи Марказӣ ва Афғонистон муъассисаи "Эрони Шарқӣ" бунёд кард
Роҳи оҳани Чин - Қирғизистон - Тоҷикистон - Афғонистон - Эрон ба бунбаст расид
Латиф Пидром: Ҷанги Афғонистон ва чолишҳои Осиёи Марказӣ
Мулоқоти Раҳимзода бо Колоколтсев: аз мубориза бо терроризм то истирдод
Боздошт ва истирдоди духтари тоҷик аз ҷониби пулиси Русия
Атбоъи зиндонии тоҷик аз Чин ба ватан истирдод мешаванд
Барчаспҳо:
табаҳкорӣ, базаҳкорӣ, зиндониён, вопасдод, ВУХ Афғонистон, Сафорати ҶТ дар Афғонистон, Салоҳиддин Раббонӣ, Шарофиддин Имомов, Тоҷикистон-Афғонистон

Мавзӯъҳои асосӣ