Тоҷикистон дар марз бо Узбакистон тамриноти бузурги ҳарбӣ мегузаронад

© SputnikРоссийско-таджикские учения, архивное фото
Российско-таджикские учения, архивное фото - Sputnik Тоҷикистон
Обуна шудан
Дар размоиш 10 адад ҷангандаи ҳавоӣ, 200 техникаи ҷангӣ, 70-артиллерия ва 450 худрави ҳарбӣ ба кор дароварда мешавад

ДУШАНБЕ, 13 авг — Sputnik. Вазорати дифоъи Ҷумҳурии Тоҷикистон аз 14 август то 17 ҳамин моҳ дар марз бо Узбакистон ва Қирғизистон размоиши нерӯҳои подгон ё гарнизони вилояти Суғд ва дигар сохторҳои қудратиро баргузор мекунад.

"Аз 14 то 17 август дар марз бо Узбакистону Қирғизистон баргузор мешавад. Дар ин размоиши густарда амалиёти созмондиҳии дифоъи минтақаӣ, равишҳои пайкор бо гурӯҳҳои теруристӣ, тавонафзоии размии нерӯҳои захира ва роҳкорҳои басиҷу фиристодани имконот ва таҷҳизоти низомӣ дар шароити изтирорӣ тамрин хоҳад шуд", —гуфт сухангӯи ВД ҶТ Фаридун Муҳаммадализода.

Машқҳои низомӣ. Акс аз бойгонӣ - Sputnik Тоҷикистон
Ҳарбиёни рус дар Помир чормағзро нишон гирифтанд

Вай ҳамчунин хабари бархе аз расонаҳо дар бораи интиқоли нерӯву ҷангафзорҳо аз ҷануби Тоҷикистон ба вилояти Суғдро бепоя хондаву гуфта, ки ин размоиш аз пеш барномарензӣ ва замонбандӣ шуда буд ва дар он танҳо нерӯҳои ҷойдошта дар қаламрави вилояти Суғд ширкат хоҳанд кард.

Сухангӯи ВД ҶТ ёдоварӣ карда, ки дар ин размоиш ҳамчунин роҳу чораҳои ҳамоҳангӣ ва ҳамкории ягонҳои ин вазорат ва дигари сохторҳои интизомӣ ва амниятии қарордошта дар қаламрави вилояти Суғд баррасӣ хоҳад шуд.

 

Лентаи хабарҳо
0