12:54 16 январи 2018
Пахши мустақим
Оташбозӣ дар Тоҷикистон. Акс аз бойгонӣ

Соли нав: шамъҳои бинголӣ ва мушакҳоро бояд дар куҷо дар гиронд

© Пресс служба президента РТ
Амният
Гирифтани линки кӯтоҳ
Соли нави мелодӣ дар Тоҷикистон (18)
12410

То фарорасии Соли Нави мелодӣ рӯзҳои ба шумор боқӣ мондааст

ДУШАНБЕ, 15 дек— Sputnik. Дар ин росто Вазорати корҳои дохилии Тоҷикистон барои риояи қоидаҳои бехатарӣ ҳангоми оро додани арчаи солинавӣ ва дар гиронидани мушаку бинголҳо дастурҳо омода кардаанд.

Арчаи солинавиро чӣ гуна ва дар куҷо бояд гузошт

Арчаи солинавиро дар ҷойҳои ҷамъиятӣ бояд дар ошёнаи якум ва ё дар саҳни ҳавлии назди бино гузошта шавад.

Биное, ки дар он ҷо арча гузошта мешавад, бояд на кам аз ду дари баромад дошта бошад. Арчаро дар роҳрав ё даромадгоҳ гузоштан қатъиян манъ аст. Андозаи арча бояд тавре бошад, ки шохаҳояш ба шифти хона нарасад ва аз девор камаш як метр дур истад. Дар толори арча дар ҷои махсус бояд аз се то панҷ адад оташхомӯшкунакҳои коршоям ва кампали патдор (адёл) нигоҳ дошта шавад. Агар оташхомӯшкунак набошад, метавон дар ҳаҷми аз 50 то 100 литр об нигоҳ дошт.

Дар муассисаҳои таълимие, ки қувваи барқ аз рӯи меъёр дода мешавад, Иди арчаро мебояд фақад рӯзона гузаронид. Арчаро дар мобайни толор дар пояи чилликмонанди мустаҳкам ва ё дар чалаки пур аз хок шинондан лозим аст. Арчаро бо бозичаҳои селлулоидӣ ва ё зуддаргиранда зиннат додан, бо шамъ чароғон кардан манъ аст.

Атрофи поя ва шохчаҳои арчаро бо пахтаи ба моеи зиддисӯхтор коркарднашуда печонидан, ба он бозичаҳои пахтагин овехтан ва намаки бертолетӣ пошидан манъ аст. Кори чароғонкунии арчаро ба воситаи трансформатори шиддатпасткунанда, ки шиддаташ аз 24 волт зиёд нест, чароғон кардан лозим аст. Дар сурати истифода бурдани қувваи барқи шиддаташ 220 волт бояд танҳо аз шилшилаҳои фабрикӣ истифода бурд, зеро шилшилаҳои худсохт аксар вақт сабабгори сар задани сӯхтор мегарданд.

Шахси ба бехатарии зиддисӯхтор масъул бояд нақша ва қоидаҳои аз ҳудуди бино муташаккилона баромадани иштироккунандагонро тартиб дода, онро ҳатман бо Хадамоти оташнишонӣ мувофиқа намояд ва иҷозатномаи махсус гирад. Дар вақти гузаронидани Иди арча бояд тамоми дарҳои баромад кушода бошанд ва дар назди ҳар яки онҳо навбатчиҳо истанд.

Шамъҳои бинголӣ ва мушакро бояд чӣ гуна дар гиронд

Дар дохили бино бошад, шамъҳои бинголӣ, магний гирондан, мушак ва дигар маводҳои пиротехникии тарканда истифода бурдан қатъиян манъ аст. Пӯшидани либосҳои пахтагӣ, қоғазӣ, докагӣ ва аз дигар матоъҳои зуддаргиранда тайёркардашуда дар Иди арча дуруст нест.

Ҳангоми рӯй додани сӯхтор ва ё зоҳир гардидани нишонаҳои он ҳатман ба телефони "01" (аз телефонҳои мобилӣ "101"), ба хадамоти оташнишонӣ хабар додан зарур аст.

Мавзуҳо:
Соли нави мелодӣ дар Тоҷикистон (18)
Барчаспҳо:
шамъи бинголӣ, риояи қоидаи бехатарӣ, дастурҳо, арчаи солинавӣ, ВКД-и Тоҷикистон, Тоҷикистон

Мавзӯъҳои асосӣ