Кувайт ба сармоягузории иқтисоди Тоҷикистон таваҷҷӯҳ дорад

© Sputnik / А. Игнатов / Гузариш ба медиабонкНамои умумии шаҳри Ал-Кувайт. Акс аз бойгонӣ
Намои умумии шаҳри Ал-Кувайт. Акс аз бойгонӣ - Sputnik Тоҷикистон
Обуна шудан
Ҷаласаи нахустини Комиссияи муштарак байни Тоҷикистон ва Кувайт оид ба ҳамкориҳои иқтисодию тиҷоратӣ ва илмию техникӣ моҳи майи соли 2013 дар шаҳри Душанбе баргузор шуда буд, нишасти дуввуми он дар нимсолаи равон дар Кувайт сурат хощад пазируфт.

ДУШАНБЕ, 26 мар — Sputnik. Муовини аввали вазири молияи Кувайт Халифа Мусоид ал-Ҳамода барои тавсеаи ҳамкориҳои иқтисодӣ ва илмию техникии байни ду кишвар изҳори ҳавасмандӣ намуда, барои сармоягузории лоиҳаҳои мухталиф дар Тоҷикистон омодагии Кувайтиро иброз намуд, хабар медиҳад департаменти иттилооти ВКХ ҶТ.

Бино ба навиштаи манбаъ, рӯзи душанбе мулоқоти сафири Тоҷикистон дар Кувайт Зубайдулло Зубайдов бо муовини аввали вазири молия ва раиси Комиссияи муштараки байниҳукуматии Тоҷикистон ва Кувайт оид ба ҳамкориҳои иқтисодию тиҷоратӣ ва илмию техникӣ Халифа Мусоид ал-Ҳамода баргузор гардид.

Кувайт тариқи Покистон ба Тоҷикистон сӯзишворӣ ворид мекунад

Аснои нишаст ҷонибҳо оид ба ҳолат ва рушди ҳакориҳои дуҷонибаи Тоҷикистон ва Кувайт табодул назар карданд. Халифа Мусоид ал-Ҳамода барои тавсеаи ҳамкориҳои иқтисодӣ ва илмию техникии байни ду кишвар изҳори ҳавасмандӣ намуда, барои сармоягузории лоиҳаҳои мухталиф дар Тоҷикистон омодагии ҷониби Кувайтиро иброз намуд.  

Ҷаласаи нахустини Комиссияи муштарак байни Тоҷикистон ва Кувайт оид ба ҳамкориҳои иқтисодию тиҷоратӣ ва илмию техникӣ моҳи майи соли 2013 дар шаҳри Душанбе баргузор шуда буд. Интизор меравад, ки ҷаласаи дуюми Комиссияи муштарак дар нимаи дуюми соли ҷорӣ дар давлати Кувайт гузаронида мешавад.

 

Лентаи хабарҳо
0