Назарбоев: бӯҳрони ҳақиқӣ акнун оғоз мешавад

© Sputnik / Алексей Никольский / Гузариш ба медиабонкНурсултон Назарбоев. Акс аз бойгонӣ
Нурсултон Назарбоев. Акс аз бойгонӣ - Sputnik Тоҷикистон
Обуна шудан
Президенти Қазоқистон гуфт, айни замон иқтисоди ҷумҳурӣ рӯзҳои сахтеро пушти сар мекунад ва дар вазъи вахим қарор дорад.

ДУШАНБЕ, 19 окт — Sputnik. Раисҷумҳури Қазоқистон Нурсултон Назарбоев ба нахуствазир Карим Масимов супориш додааст, ки ба сурати оҷил барномаи зиддибӯҳрониро таҳия намояд, иттилоъ медиҳад Sputnik Қазоқистон.

Ҷаласаи ҳукумати Ҷумҳурии Тоҷикистон, 29-декабри соли 2014. Акс аз Хадамоти матбуотии президент - Sputnik Тоҷикистон
Супориши Эмомалӣ Раҳмон ба ҳукумат барои ҷилавгирӣ аз бӯҳрон

Рӯзи душанбе Масимов дар бораи рушди иқтисоду иҷтимоъ ва татбиқи барномаҳои асосии давлатӣ ба президент гузориш дод.

Нурсултон Назарбоев иброз дошт, ки имрӯз иқтисоди ҷумҳурӣ рӯзҳои сахтеро пушти сар мекунад ва дар вазъи вахим қарор дорад.

"Бо таваҷҷуҳ ба коҳиши қиммати энержӣ даромади буҷаи давлатӣ қариб 40% кам шудааст. Ба ғайр аз ин, нархи дигар намуди маҳсуроти содиротӣ, аз ҷумла металҳои рангаву сиёҳ, инчунин ангишт низ коҳиш ёфтааст",- қайд кард ӯ.

Дафтари матбуотии раисҷумҳури ҶҚ бо такя ба суханони Назарбоев менависад, бахши кишоварзии Қазоқистон рушди муназзам дорад, аммо корхонаҳои саноатӣ, аз қабили мошинсозӣ истеҳсоли худро пойин бурдаанд.

"Бӯҳрони ҳақиқӣ сар мешавад, бӯҳрони сахттар аз солҳои 2007-2009. Дар робита ба ин ҳукумат супориш медиҳам, ки таҳлили ҳамаҷонибаро анҷом дода, барномаи зиддибӯҳрониро омода созанд, чораҳо андешанд ва аҳолиро огоҳ намоянд",- афзуд президент.

Раисҷумҳур бори дигар қайд кард, ки давлат ба ҳеч ваҷҳ ба бад шудани вазъи иҷтимоии сокинони кишвар роҳ намедиҳад.

Истгоҳи роҳи оҳан - Sputnik Тоҷикистон
Умаров: бӯҳрони иқтисодии Русия ба Тоҷикистон таъсири мустақим дорад

Ҳамзамон, дар ҳукумати Тоҷикистон низ эътироф мекунанд, ки бӯҳрони феълӣ аз бӯҳрони қаблӣ шадидтар аст ва ба иқтисоди кишвар зарбаи сахте ворид кард, гап сари ин аст, ки мавҷи дуввуми бӯҳрон билофосила пас аз бӯҳрони аввал омада, нагузошт, ки иқтисоди ҷаҳонӣ барқарор шавад.

Коҳиши табодули амвол дар нимсолаи аввали соли 2015 қариб 22%-ро ташкил дода, он ба кам шудани боҷҳои гумрукӣ ва андоз мусоидат кард. Ҳарчанд ба буҷа нисбат ба соли қаблӣ маблағҳои аз андоз ҷамъоваришуда бештар ворид шудааст (3 млрд 780,6 млн сомонӣ —  13,5% зиёдтар аз ҳамин давраи соли 2014), аммо нақшаи ҷамъоварии умумии боҷҳо дар нимсола иҷро нагардид.

© SputnikПасандозро чӣ гуна нигоҳ бояд дошт? Инфографика (тасвирбаён)
Пасандозро чӣ гуна нигоҳ бояд дошт? Инфографика (тасвирбаён) - Sputnik Тоҷикистон
Пасандозро чӣ гуна нигоҳ бояд дошт? Инфографика (тасвирбаён)

 

 

Лентаи хабарҳо
0