Афзоиши интиқоли маболиғ аз Русия ба ҶТ. Тариқи “Юнистрим”

© Sputnik / Максим Богодвид / Гузариш ба медиабонкШӯъбаи бонкӣ. Акс аз бойгонӣ
Шӯъбаи бонкӣ. Акс аз бойгонӣ - Sputnik Тоҷикистон
Обуна шудан
Бонки марказии Русия мегӯяд, дар давраи семоҳаи аввали соли равон ҳаҷми интиқоли маблағҳои пулӣ аз ФР ба кишварҳои ИДМ тариқи низомҳои пардохт дар маҷмӯъ 914 млн. доллари ИМА-ро ташкил додааст.

ДУШАНБЕ, 31 май — Sputnik. Тайи се моҳи аввали соли равон ҳаҷми интиқоли маблағҳои пулӣ аз Русия ба Тоҷикистон бо рубли русӣ тариқи низоми байнулмилалии пардохти "Юнистрим" ба андозаи 19% афзуд.

Дар иттилоъияи омории  "Юнистрим" дар ин робита зикр мегардад, ки давоми моҳҳои январ-марти соли 2016 ҳаҷми муомилот бо рубл ҳудуди 50 млрд.-ро ташкил додааст, ки он дар қиёс ба ҳамин давраи соли гузашта 7% бештар буда, дар ин давра ҳаҷми афзоиши интиқоли маблағҳо ба хориҷи кишвар 11% афзудааст.

Терминали мусофирбарии фурудгоҳи Домодедово-и шаҳри Маскав. Акс аз бойгонӣ - Sputnik Тоҷикистон
Муҳоҷирон барои ба ватан фиристодани бемор маблағ ҷамъ карданд

"Афзоиши нисбатан бештар дар ҳаҷми интиқоли маблағҳои пулӣ аз Русия бо рубл дар кишарҳои зерини ИДМ ба қайд гирифта шудааст: Қирғизистон (+45%), Қазоқистон (+30%) ва Тоҷикистон (+19%)",- менависад манбаъ.

Дар ҳамин ҳол, ҳаҷми интиқоли пул ба кишварҳои хориҷи дур, аз қабили: Чехия (+300%), Туркия (+200%) ва Филиппин (+1300%) зиёд гардидааст.

Тибқи иттилоъи Бонки марказии Русия, семоҳаи аввали соли равон ҳаҷми интиқоли маблағҳои пулӣ аз Русия ба кишварҳои ИДМ тариқи низомҳои пардохт дар маҷмӯъ 914 млн. доллари ИМА-ро ташкил додааст.

Лентаи хабарҳо
0