13:45 10 декабри 2016
Пахши мустақим
Фурӯши харбуза дар бозори Душанбе

Гардиши савдои Тоҷикистон бо Русия кам мешавад, бо Чин зиёд

© Sputnik Амир Исаев
Иқтисод
Гирифтани линки кӯтоҳ
11 0 0

Ҳаҷми гардиши савдои хориҷӣ дар Тоҷикистон дар 9 моҳи охир, дар муқоиса бо ҳамин давраи соли гузашта, қариб ба 8 фоиз камтар гардид

ДУШАНБЕ, 18 окт — Sputnik.Кам гардидани ҳаҷми гардиши миёнаи савдо қариб 250 миллион долларро ташкил медиҳад. Гардиши савдои хориҷа дар Тоҷикистон аз моҳи январ то моҳи сентябри соли 2016 — 2 млрду 895 млн. долларро ташкил медиҳад, ки нисбат ба нишондодҳои соли гузашта 7,9% камтар мебошад.

Поён рафтани савдои беруна пеш аз ҳама аз сабаби кам шудани воридоти чӯб, ҳезум, маҳсулоти тайёр, маҳсулот аз растанӣ, маҳсулоти маъдан ва воситаҳои нақлиёт мебошад.

Кам гардидани содироти пахта, сангҳои қимматбаҳо, метал, ҳайвонот ва маҳсулот аз ҳайвонот яке аз сабабҳои дигари кам гардидани савдои хориҷа шудааст.

Русия ва Чин чун пештара шарикони тиҷоратии сиёсӣ боқӣ мемонанд.

Гардиши савдои Тоҷикистону Русия дар 9 моҳи охир қариб 764 миллионро ташкил медиҳад, байни Тоҷикистону Чин бошад — 700 миллион. Дар ҳоле, ки савдо бо Русия то 9,3% кам шуда, бо Чин 32% зиёд гардидааст.

Кишварҳои Қазоқистон, Туркия, Шветсария шарикони асосии Тоҷикистон ба ҳисоб мераванд.

Барчаспҳо:
кам шудани ҳаҷми савдо, ҳаҷми савдо хориҷа, Тоҷикистон

Мавзӯъҳои асосӣ