05:39 21 августи 2017
Пахши мустақим
Парламент Таджикистана. Архивное фото

Раиси кунунии парлумон номзади интихобот шуд

© Sputnik
Интихобот - 2015
Гирифтани линки кӯтоҳ
3 0 0

Аз 30 декабр дар Тоҷикистон пешбарии номзадҳо ба вакилии Маҷлиси намояндагон аз ҳавзаҳои якмандатӣ расман шурӯъ шуд. Пешбарии номзадҳо 15 рӯз давом мекунад.

ДУШАНБЕ, 31 дек — Sputnik. Дар нахустин рӯзи пешбарии номзадҳо аз ҳавзаҳои инфиродӣ Шукурҷон Зуҳуров, раиси кунунии Маҷлиси намояндагон барои боз як давра ба вакилии порлумони Тоҷикистон пешбарӣ шудааст, хабар медиҳад Радиои Озодӣ.

Зуҳуровро дар анҷумани муштараки созмонҳои маҳаллии Ҳизби халқӣ-демократии Тоҷикистон бо ширкати намояндагон аз навоҳии Рашту Нурободов, Ҷиргатолу Тоҷикобод ва Тавилдара пешбарӣ кардаанд. Ин анҷуман дар шаҳраки Ғарм, маркази  ноҳияи Рашт доир шудааст, мегӯяд, Муҳаммадато Султонов, сухангӯи Маҷлиси намояндагон.

Шукурҷон Зуҳуров дар интихоботи соли 2010 низ аз ҳавзаи Рашт вакил ва баъдан раиси Маҷлиси намояндагон интихоб шуд.

Тибқи қонуни интихоботи порлумони Тоҷикистон, пешбарии номзадҳо ба интихоботи Маҷлиси намояндагон аз ҳавзаҳои якмандатӣ 60 рӯз пеш аз интихобот шурӯъ шуда, 15 рӯз давом мекунад.

Интихоботи навбатии маҷлиси поёнии порлумони Тоҷикистон ба рӯзи 1 март таъин шудааст ва ба ин далел, пешбарии номзадҳо аз ҳавзаҳои инфиродӣ 30 декабр оғоз ёфт.

Мавзуъ

Президенти Тоҷикистон ваъдаи баргузории интихоботи шаффофро дод
Барчаспҳо:
пешбарӣ, номзад, интихоботи парлумонӣ, парлумон, Муҳаммадато Султонов, Шукурҷон Зуҳуров, Ғарм, Тоҷикистон

Мавзӯъҳои асосӣ