00:24 18 августи 2017
Пахши мустақим
Табличка у офиса ЦИК в Душанбе. Архивное фото

КМИР нӯҳ номзади ҳизби Зойировро рад кард

© Sputnik Амир Исаев
Интихобот - 2015
Гирифтани линки кӯтоҳ
7 0 0

Комиссияи марказии интихобот ва раъйпурсии Тоҷикистон аз 22 номзади Ҳизби сотсиал-демократ 13 тани онҳоро ба қайд гирифт ва 9 нафарашонро аз рӯйхати ҳизбӣ берун кард

ДУШАНБЕ, 2 фев — Sputnik. Комиссияи марказии интихобот ва раъйпурсии Тоҷикистон (КМИРТ) аз 22 номзади Ҳизби сотсиал-демократ 13 нафарро ба қайд гирифта, 9 тани онҳоро аз рӯйхати ҳизбӣ хориҷ кардааст, хабар медиҳад сомонаи Радиои "Озодӣ".

Шермуҳаммади Шоҳиён, раиси КМИРТ, 2 феврал дар нишасти якҷоя бо масъулони ҲСДТ гуфтааст, нӯҳ номзади онҳо, ки дар миёнашон исми Алим Шерзамонов, Ҳоҷимуҳаммад Умаров, Файзиннисо Воҳидова, Шӯҳрат Қудратов ва… Бахтиёр Насруллоев ҳаст, ба далели пешниҳод накардани аснод ва Фирдавс Соҳибназаров ба иллати доштани парвандаи ҷиноӣ аз феҳристи ҳизбӣ берун карда шудаанд.

Шоҳиён афуздааст, Додситонии кулл 31 январ бо ирсоли номаи расмӣ аз парвандаи ҷиноӣ алайҳи Фирдавс Соҳибназаров — номзади ҲСДТ хабар додааст.

"Фирдавс Соҳибназаров бар асоси моддаҳои 245, қисми 4, банди "б" (азони худкунӣ ё исрофкорӣ ба миқдори махсусан калон) ва 262, қисми 3, банди "в" (қонунигардонии даромадҳои бо роҳи ҷиноят ба дастоварда ба миқдори махсусан калон) муттаҳам мешавад", — хабар додааст Шоҳиён.

Зимнан, Соҳибназаров бар иловаи рӯйхати ҳизбӣ, аз ноҳияи Абдураҳмони Ҷомӣ низ номзадиашро пебарӣ карда буд.

Ба ин тартиб, ҳоло тариқи рӯйхати Ҳизби сотсиал-демократи Тоҷикистон 13 номзад ва 65 нафар афроди боэътимоди онҳо сабти ном шуда, барои дарёфти курсии вакилӣ талош хоҳанд кард.

Шоҳиён дар интиҳои нишаст аз Раҳматулло Зоиров, раиси ҲСДТ хостааст, барои муаррифии барномаи ҳизбаш тариқи телевизионҳои давлатии Тоҷикистон омодагӣ бигирад.

То кунун Абдуҳалим Ғаффорзода, раиси Ҳизби сотсиалист ва Саидҷаъфар Исмонов — раиси Ҳизби демократи Тоҷикистон тариқи шабакаҳои давлатӣ барномаи пешазинтихоботии ҳизбашонро муаррифӣ кардаанд. Қарор аст, шоми 3 феврал Муҳиддин Кабирӣ, раиси Ҳизби наҳзати исломӣ ҳам дар тӯли 40 дақиқа барномаҳои ҳизбашро ба мардум бифаҳмонад.

Комиссияи марказии интихобот ва раъйпурсии Тоҷикистон барои аҳзоби сиёсӣ 40 дақиқа ва барои номзадҳо аз ҳавзаҳои якмандатӣ 20 дақиқа вақт ҷудо намудааст, то аз тариқи шабакаҳои давлатӣ барномаҳои худро шарҳ диҳанд.

Мавзуъ

Президент: “ба интихобот ва оромии кишвар хиёнат накунед”
ҲСДТ аз интихобот бо нишони эътироз даст мекашад
Нозирони САҲА барои назорати интихобот ба Душанбе омаданд
Таҳлилгар: ҲХДТ барандаи асосии интихобот аст
Шарипов дар интихобот бо духтари бунёдгузори ҲНИТ рақобат мекунад
Муовини раиси ҲНИТ аз Кӯлоб номзади интихобот шуд
Раҳмон: интихобот мардумро бояд бештар сарҷамъ кунад
Раиси кунунии парлумон номзади интихобот шуд
Аз ҲИИТ ва ҲСТ шаш номзадӣ дар интихобот ширкат меварзанд
Барчаспҳо:
рӯйхати ҳизбӣ, ради номзадҳо, сабти номзадҳо, интихобот, ҲСДТ, КМИРТ, Фирдавс Соҳибназаров, Алим Шерзамонов, Файзинисо Воҳидова, Шуҳрат Қудратов, Раҳматилло Зойиров, Шермуҳаммади Шоҳиён, Ҳоҷимуҳаммад Умаров, Душанбе, Тоҷикистон

Мавзӯъҳои асосӣ