01:07 21 сентябри 2017
Пахши мустақим
Бинои ВКД Тоҷикистон. Акс аз бойгонӣ

ВКД Тоҷикистон ироъаи ҷузъиёти қатли Умаровро дархост кард

© Sputnik
Рӯйдодҳо
Гирифтани линки кӯтоҳ
2 0 0

Вазорати корҳои дохилии Тоҷикистон аз ҳамтоёни туркии худ дархост кард, ки иттилоъи расмӣ дар бораи қатли раҳбари гурӯҳи мухолифро, ки рӯзи панҷшанбе дар яке аз маҳаллоти Истамбул рух дод, ироъа кунанд.

ДУШАНБЕ, 6 мар — Sputnik. ВКД Тоҷикистон ба пулиси Истамбул дархосте ироъа карда хостааст, ки иттилоъи расмӣ дар мавриди қатли мухолиф Умаралӣ Қувватов барояшон ирсол шавад, хабар медиҳад РИА Новости бо истинод ба намояндаи маркази матбӯъотии ВКД Тоҷикистон.

Раҳбари гурӯҳи мухолифи "Гурӯҳи 24" Умаралӣ Қувватов шоми рӯзи панҷшанбе дар яке аз маҳаллоти Истамбул бо зарби тир ба сараш кушта шуд.

"Субҳи имрӯз мо ба мақомоти пулиси Истамбул дархости расмӣ фиристода хоҳиш кардем, ки бароямон кушта шудани шаҳрванди Тоҷикистон Умаралӣ Қувватовро таъйид ва ҷузъиёти қатлашро ироъа кунанд", — иқтибос овардааст хабаргузорӣ аз суханони намояндаи ин ниҳоди интизомӣ.

"Гурӯҳи 24" соли 2012 баъд аз фирори мухолиф аз Тоҷикистон таъсис шуда буд. Дар ватани худ Қувватов дар ширкати "Фароз", ки аз сӯйи яке аз пайвандони раиси ҷумҳур таъсис ва ба воридоту фурӯши маводди сӯзишворӣ машғул буд, кор мекард.

Соли 2012 вай ба Маскав рафт ва баъд аз он ки Тоҷикистон истирдоди ӯро дархост кард, ба Дубай кӯчид. Дар соли 2013 дар он ҷо бо дархости мақомоти тоҷик боздошт шуд.

Вале вай ба ватан истирдод нашуд ва ба Туркия рафт ва дар он ҷо низ моҳи ноябри соли 2014 якҷо бо се нафар ҳамтоёнаш барои нақзи муқаррароти будубош боздошт шуд, вале баъд аз як ҳафта озод шуд.

Қувватов ва ҳамтоёнаш борҳо аз мақомоти Тоҷикистон шадидан интиқод ва онҳоро дар фасодкорӣ ва маҳалгароӣ муттаҳам мекарданд. Дар оғози моҳи сентябри соли 2014 онҳо сокинони Душанберо ба ҳамоиши эътирозӣ дар назди бинои порлумон дар рӯзи истиқлоли Тоҷикистон фаро хонданд, вале ин гирдиҳамоӣ баргузор нашуд.

Худи ҳамон моҳ "Гурӯҳи 24" дар Тоҷикистон аз ҷониби Додгоҳи олӣ тундгаро ва мамнуъ эълом шуд.

Мавзуъ

Як шаҳрванди Тоҷикистон дар робита ба куштори Қувватов ҳабс шуд
Вокунишҳо аз Душанбе: қатли Қувватов тарҳрезишуда буд
ВАО: ҳамсари Қувватов мегӯяд, шавҳараш раҳо шудааст
Қувватов дар гаравгонгирӣ гумонбар мешавад
Ҳамсари Қувватов аз СММ кӯмак мехоҳад
Ҳамсари Қувватов аз Эрдуғон хост, шавҳарашро ба Тоҷикистон надиҳад
Боздошти Умаралӣ Қувватов дар Истамбул
Барчаспҳо:
қатли мухолифи ҳукумат, куштор, дархости ироъаи ҷузъиёт, "Гурӯҳи 24", ВКД, Умаралӣ Қувватов, Туркия, Тоҷикистон

Мавзӯъҳои асосӣ