Раъду барқ дар Суғд: як нафар ҳалоку шаш каси дигар осеб диданд

© Sputnik / Михаил Мордасов / Гузариш ба медиабонкРаъду барқ. Акс аз бойгонӣ
Раъду барқ. Акс аз бойгонӣ - Sputnik Тоҷикистон
Обуна шудан
Дар пайи зарбаи раъду барқ, як сокини вилояти Суғд ҷон бохта, шаш тани дигар ҷароҳатҳои мухталиф бардоштаанд.

ДУШАНБЕ, 1 июн — Sputnik. Бар асари раъду барқ як сокини ноҳияи Бобоҷон Ғафурови вилояти Суғд фавтида, шаш каси дигар захм бардоштанд, иттилоъ медиҳад ОИ Авеста.

Ба қавли сардори хадамоти матбуотии Раёсати ВКД дар вилояти Суғд Акбар Шарипов, ҳодиса баъд аз зуҳри рӯзи 30-юми май, тахминан соати шаши бегоҳ дар ҷамоати Чашмасори ноҳияи Бобоҷон Ғафуров рух додааст.

Раъду барқ. Акс аз бойгонӣ - Sputnik Тоҷикистон
Ҳалокати як сокини Суғд бар асари раъду барқ

 "Аз зарбаи барқ Эрмубин Тоҷибоева, сокини 64-солаи деҳаи Сурхчашмаи ноҳияи Ғафуров ба ҳалокат расида, шаш нафар ҳамроҳаш — як марду шаш зан ҷароҳатҳои мухталиф бардоштаанд."

Гуфта мешавад, ду нафари дигар аз ин гурӯҳ, ки ҷароҳатҳои нисбатан сабук бардоштаанд, баъди муоинаи табибон ба манзилашон баргаштаанд. Як нафари онҳо аз шаҳраки Консойи Қайроқум буда ва дигарон истиқоматкунандаи ноҳияи Ғафуров мебошанд.

Дар пайи бориши шадиди соли ҷорӣ шашумин мавриди зарби раъду барқ дар шимоли Тоҷикистон аст, ки одамон қурбон шуда ва ё осеб мебинанд.

Лентаи хабарҳо
0