ДУШАНБЕ, 25 май — Sputnik. Як сокини вилояти Суғд барои узвият дар созмони ифротгарои "Ҳизб-ут-Таҳрир" ба 6 соли зиндони низомаш шадид маҳкум шуд, иттилоъ медиҳанд расонаҳои маҳаллӣ ба истинод ба як манбаъ дар мақомоти қудратии вилоят.
"Додгоҳи шаҳри Гулистон (собиқ Қайроққум) сокини ҳамин шаҳр Нурулло Ҳақназарови 24-соларо дар содир намудани ҷиноят мутобиқи моддаи 307-и Кодекси ҷиноии ҶТ (Ташкили фаъолияти созмони ифротгаро. Иштирок дар фаъолияти ҳизбҳои сиёсӣ, иттиҳодияҳои ҷамъиятӣ ё динӣ ё дигар ташкилоте, ки нисбати он аз ҷониби суд қарори эътибори қонунӣ пайдо карда дар бораи барҳам додан ё манъи фаъолияташ бо сабаби ба амал баровардани фаъолияти экстремистӣ қабул шудааст) гунаҳкор эътироф намуд",- омадааст дар хабар.
Гуфта мешавад, маҳкумшуда аз ҷониби кормандони Раёсати КДАМ дар вилояти Суғд моҳи феврали соли равон боздошт гардида буд.
