22:00 20 ноябри 2017
Пахши мустақим
Пулис дар Тоҷикистон. Акс аз бойгонӣ

“Оворагард”: талбандагӣ ва оворагардии ноболиғони тоҷик пешгирӣ мешавад

© Sputnik Амир Исаев
Таҳқиқ
Гирифтани линки кӯтоҳ
56 0 0

Ноболиғон рӯзонаву шабона беназорат дар кӯчаву хиёбонҳо гаштугузор намуда, аксаран ба корҳои зараровар, хусусан ба ҳар гуна бозиҳои компютерӣ, машғул мешаванд

ДУШАНБЕ, 11 янв — Sputnik. Дар Душанбе бо мақсади пешгирии талбандагӣ ва корҳои ношоистаи ноболиғон амалиёти "Оворагард" оғоз гардид, хабар медиҳад хадамоти матбуоти вазорати корҳои дохилии ҶТ.

Аз ҷумла, дар рӯзҳои аввали баргузории ин гуна чораандешиҳо аз тарафи кормандони Хадамоти пешгирии ҳуқуқвайронкунӣ дар байни ноболиғон ва ҷавонони (ХПҲНҶ) ВКД, дар ҳудуди ноҳияи Исмоили Сомонии пойтахт ҳолатҳои зиёди машғул шудани ноболиғону ҷавонони беҳудагард ба бозиҳои компютерии хусусияти зӯроваридошта муайяну ошкор карда шуданд.

Мавриди зикр аст, ки чораандешии мазкур, ки пеш аз ҳама, бо мақсади таъмини иҷроиши Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» амалӣ карда мешавад, ҳолатҳои зиёди вайрон намудани талаботи ин қонун аз тарафи волидони ноболиғонро ошкор намуд.

"Ноболиғони зиёд рӯзонаву шабона беназорат дар кӯчаву хиёбонҳо гаштугузор намуда, аксаран ба корҳои зараровар, хусусан ба ҳар гуна бозиҳои компютерӣ, ки боиси ҷой гирифтани рафтору кирдорҳои бадахлоқона ба тафаккури насли наврас мегарданд, машғул мешаванд",-омадааст дар хабарнома.

Нисбати волидони он ноболиғону ҷавононе, ки зимни ин амалиёт боздошт мешаванд, мувофиқи талаботи қонунгузорӣ чораҳои таъсирбахш андешида хоҳанд шуд.

Вазорати корҳои дохилии ҶТ аз волидони хоҳиш карда мекунад, ки ҳама гуна рафтору ҳаракати фарзандони худро таҳти назорат қарор дода, нагузоранд, ягон лаҳзаи ҳаёти онҳо сарфи корҳои зараровар шавад.

Мавзуъ

Озмун: Кӣ бештар китоб хонда метавонад
Дар Тоҷикистон Рӯзи байналмиллалии ҳифзи кӯдакон таҷлил мегардад
Дар роҳҳои Тоҷикистон саҳмияи “Кӯдакон” сар шуд
Барчаспҳо:
амалиёти пешгирии талбандагӣ, кӯдакони оворагард, ВКД-и Тоҷикистон, Тоҷикистон

Мавзӯъҳои асосӣ