10:35 19 октябри 2017
Пахши мустақим
Боздошт.Акс аз бойгонӣ

ВУД: Некрӯз Ниятбеков дастгир шуд

ЦОС ФСБ РФ
Таҳқиқ
Гирифтани линки кӯтоҳ
236723

Кормандони нерӯҳои интизомӣ Некрӯз Ниятбековро, ки шоми рӯзи 5 октябр се узви як хонаводаро тирборон кард, дастгир карданд

ДУШАНБЕ, 6 окт — Sputnik. Ин хабарро сухангӯи Вазорати умури дохилии ҶТ Умарҷони Эмомалӣ дар суҳбат бо Sputnik Тоҷикистон таъйид кард.

"Некрӯз Ниятбеков аз ҷониби кормандони ҳифзи ҳуқуқи ВМКБ дасгир шуда ҳамакнун бозпурсӣ мешавад. Нисбати Некрӯз Ниятбеков парвандаи ҷиноӣ боз шуд", — гуфт сухангӯи ВКД.

Манбаъ афзуд, ки дигар ҷузъиёти қазия дар равобити умумии ВКД ба зудӣ нашр хоҳад шуд.

Ёдоварӣ мекунем, ки Некрӯз Ниятбеков бо ҳамсари бародараш Далер Ниятбеков, ки чанд сол пеш аз ин дар гузашта буд, бар сари манзили иқоматияш дар шаҳри Хоруғ ҷанҷол доштааст. Ахиран додгоҳ ин манзилро ба ҳамсари Далер Ниятбеков вогузор карда будааст. Аммо Некрӯз аз ҳукми додгоҳ розӣ нашуда ҷанҷолро ба зӯроварӣ кашондааст.

Гуфта мешавад, ки вай шаби ҷумъа ҳамроҳ бо ду каси дигар ба хонаи хешовандонаш ба рустои Поршинев рафта ва ҳамсару хушдомани бародарашро тирборон ва бародарзодаашро корд задааст.

Мавзуъ

Куштор дар ВМКБ: ҷавоне хешовандони бародарашро тирборон кард
Раиси ВМКБ худ кӯдакеро ҷарроҳӣ кард, ки аз дасти амакаш захмӣ шудааст
Барчаспҳо:
боздошт, ВКД-и Тоҷикистон, Умарҷони Эмомалӣ, Тоҷикистон

Мавзӯъҳои асосӣ