Вазорати меҳнати ҶТ 1,5 млн рубл маоши муҳоҷиронро гирифта дод

© Sputnik / Александр Кряжев / Гузариш ба медиабонкПул. Акс аз бойгонӣ
Пул. Акс аз бойгонӣ - Sputnik Тоҷикистон
Обуна шудан
Бригадаи 24 нафараи муҳоҷирони меҳнатии тоҷик дар ширкатҳои сохмонии роҳҳои вилояти назди Маскави Красногорск кор мекарданд, аммо дар ним соли охир маоши худро нагирифта буданд.

ДУШАНБЕ, 17 авг — Sputnik Намояндагони  вазорати меҳнат, муҳоҷират ва шуғли аҳолии ҶТ дар Русия ба бригадаи муҳоҷирони меҳнати тоҷик кӯмак намуданд, ки музди меҳнати худро гиранд, хабар медиҳад хадамоти матбуоти намояндагӣ.

Зодаи ноҳияи Восеи вилояти Хатлон ба Вазорати меҳнат муроҷиат кард, ки маоши бригадаи 24 нафараи тоҷик аз моҳи феврал сар карда то моҳи июн пардохт карда нашудааст.

Қарзи умумӣ 1,5 млн рублро ташкил мекардааст.

Дар ду соли охир шаҳрвандони Тоҷикистон дар яке аз ширкатҳои сохтмони роҳ дар вилояти назди Маскави Красногорск кор мекарданд. Бригада корҳои таъмири роҳ,  пул, ва дигар иншооти инфростукториро анҷом медод.

Дар фурӯдгоҳи Домодедово. Акс аз бойгонӣ - Sputnik Тоҷикистон
Вазорати меҳнат барои баргаштани оилаи тоҷик ба ватан кумак кард

"Пас аз муроҷиати расмии Намояндагӣ ва пешниҳоди далелҳо дар асоси талаботи Кодекси меҳнати ФР, роҳбарияти ташкилот ӯҳдадориҳои молии худро дар назди коргарон адо намудааст. Муҳоҷирони меҳнати маоши деринтизори худро гирифтанд. Сабаби нигоҳдории маошро ширкат ҳамчун мушкилии молиявӣ фаҳмонид,"- омадааст дар хабар.

Ғайр аз ин, намояндагии Вазорати меҳнат ба зодаи шаҳри Турсунзода, ки дар як ширкати Маскав кор мекард, кӯмак расонид, ки маошашро ба маблағи 65ҳзр рубл гирад.

Лентаи хабарҳо
0