00:07 22 ноябри 2017
Пахши мустақим
Атамбаев в Нарыне купил дом семье памирских кыргызов

Раисҷумҳур барои муҳоҷирон аз Помир хона харид

© Sputnik Нурзада Мукашева
Муҳоҷират
Гирифтани линки кӯтоҳ
383 0 0

Муҳоҷирон аз раисҷумҳур ва масъулини давлату вилоят хонаву сармоя дарёфт карданд

ДУШАНБЕ, 9 ноя — Sputnik. Раисҷумҳури феълии Қирғизистон Алмосбек Отамбоев барои як хонаводаи қирғиз, ки аз Помир ба вилояти Норин кӯчида буд, хонаву сармоя тақдим кард, хабар медиҳад Sputnik Қирғизистон.

Чанд ҳафта пеш дар ин хонавода писаре ба дунё омада буд, ки номашро Алмосбек гузоштаанд. Ҳамномаш — раисҷумҳур Отамбоев на танҳо барояш хона харида, балки мебел низ ҳадя кардааст. Калиди ин хонаро ба муҳоҷирон муовини раиси Дастгоҳи раисҷумҳури Қирғизистон Муҳаммадқолӣ Абулғозиев тақдим кард.

Ҳамчунин падари ин ҳамноми раисҷумҳур — Абдубаит Жээнбеков аз Алмосбек Отамбоев барои ҳар кадоме аз панҷ фарзандаш 50 ҳазор сомӣ сармоя низ дарёфт кард. Намояндаи давлати Қиғизистон дар вилояти Норин Амонбой Ғойибов ҳам барои навзод пӯшоку пӯшак харидааст.

Ёдоварӣ мекунем, ки як моҳ пеш 33 қирғиз аз чарогоҳҳои Помири Калон ва Помири Хурд дар Афғонистон ба вилояти Норин кӯчида буданд. Дар миёни ин муҳоҷирон 17 кӯдаку наврас низ ҳаст, ки аз ин пас дар дабиристонҳои Қирғизистон донишомӯзӣ хоҳанд кард.

Ин муҳоҷирон, ки дар Помир дар баландии 4200 то 4500 метр аз сатҳи дарё зиндагӣ ба сар мебурданд, акнун бояд бо обу ҳавои Норин созгор шаванд. Дар ин раванд онҳоро пизишкони бемористони вилояти Норин ёриву дастгирӣ хоҳанд кард.    

Мавзуъ

Пулиси Маскав як қирғизро ба иттиҳоми теруризм боздошт кард
Флешмоби қирғизӣ: духтарон бо либосҳои миллӣ маскавиҳоро дар ҳайрат гузоштанд
Бозгашти қирғизҳои Помир ба зодгоҳи таърихиашон
Барчаспҳо:
Алмосбек Отамбоев, Тоҷикистон-Афғонистон-Қирғизистон

Мавзӯъҳои асосӣ