22:01 13 декабри 2017
Пахши мустақим
Вазири дифоъи Тоҷикистон Шералӣ Мирзо, акс аз бойгонӣ

Вазирони дифоъи кишварҳои ҳамсуд аз ҳамкориҳои 25-солаашон натиҷагирӣ мекунанд

© Фото: Фотохост ШОС
Ахбор
Гирифтани линки кӯтоҳ
3701

Ҳайъате баландпоя аз Вазорати дифоъи Тоҷикистон дар нишасти Шурои вазирони дифоъи кишварҳои узви Иттиҳодияи кишварҳои ҳамсуд ширкат хоҳад кард

ДУШАНБЕ, 26 май — Sputnik. Имрӯз дар Маскав нишасти Шурои вазирони дифоъи кишварҳои узви Иттиҳодияи кишварҳои ҳамсуд ба муносибати 25-умин солгарди таъсиси ин ниҳод баргузор мешавад.

Бино ба иттилоъи дафтари иттилоърасонии Вазорати дифоъи Русия, ин нишастро Сергей Шойгу, вазири дифоъи Русия, раёсат хоҳад кард.

"Дар ин ҷаласа ҳайъатҳои расмии вазоратҳои дифоъи Арманистон, Белорус, Қазоқистон, Қирғизистон, Озарбойҷон, Русия, Тоҷикистон, Туркманистон ва Узбакистон ва ҳамчунин намояндагоне аз Кумитаи иҷроия ва коргурӯҳҳои Иттиҳодияи кишварҳои ҳамсуд ва сохтори зиддитеруристии Созмони ҳамкории Шонгҳой ширкат хоҳанд кард", — гуфта мешавад дар иттилоъияи вазорати русӣ.

Қарор аст дар ин нишаст аз ҳамкориҳои низомии кишварҳо ҳамсуд дар 25 сол натиҷагирӣ шавад ва ҳамчунин роҳу чораҳои густариши ҳамкуниш дар заминаи низомӣ миёни ин кишварҳо баррасӣ шавад.

Чанде пеш дар шаҳри Олматӣ ҳафтоду ҳафтумин нишасти Шурои фармондеҳони нерӯҳои марзбонии кишварҳои ҳамсуд баргузор шуда буд, ки дар он масоъили фароҳамсозии амнияту субот дар марзҳои байналмилалии кишварҳои Осиёи Марказӣ баррасӣ шуданд.

Фармондеҳони нерӯҳои марзбонии кишварҳои ҳамсуд дар ин нишаст аз вуҷуди таҳдидҳо аз хориҷ ба амнияту субот дар кишварҳои узви Иттиҳодия ҳушдор дода ва роҳу чораҳое барои хунсосозӣ ва пешгирии онҳо пешниҳод карданду тасмимоти лозим дар ин заминаро тасвиб карданд.

Мавзуъ

Эмомалӣ Раҳмон: Бо истифода аз нерӯи низомӣ наметавон бар теруризм пирӯз шуд
Тоҷикистон - нотавонтарин кишвар аз дидгоҳи нерӯи низомӣ
Барчаспҳо:
ҳамкориҳои низомӣ, Иттиҳодияи кишварҳои ҳамсуд, Шурои вазирони дифоъ, Шералӣ Мирзо, Русия-Тоҷикистон

Мавзӯъҳои асосӣ