05:33 25 июли 2017
Пахши мустақим
Тоҷмаҳал - яке аз намодҳои Ҳинд

Ҳиндустон колоҳояшро дар Тоҷикистон намоиш медиҳад

© Sputnik / Сергей Мамонтов
Ахбор
Гирифтани линки кӯтоҳ
24 0 0

Дувумин намоишгоҳи колоҳои Ҳиндустон дар се шаҳри Тоҷикистон баргузор мешавад

ДУШАНБЕ, 12 июл — Sputnik. Шаҳрҳои Душанбе, Хуҷанд ва Қӯрғонтеппа мизбони намоишгоҳи колоҳои Ҳинд хоҳанд шуд.

Бино ба иттилоъи Утоқи бозаргониву саноеъи Тоҷикистон, ин намоишгоҳ 14 — 23 июл баргузор мешавад ва қарор аст дар он 25 ширкати ҳиндӣ тавлидоташонро намоиш диҳанд.

Дар чорчӯби ин намоишгоҳ, ки бо ибтикори УБС ҶТ ва ширкати ҳиндии "PSP Traders & Services Pvt Ltd" ва пуштибонии Ҳукумати ҶТ баргузор мешавад, колоҳои фаннӣ, атторӣ, пӯшок, орояву перояҳои занона аз сангҳои гаронбаҳо ва сохтаҳои дастварзони ҳиндӣ ба намоишу фурӯш гузошта мешаванд.

Ин намоишгоҳ бо ҳадафи ҷазбу ҷалби сармоягузорӣ, фанноварӣ ва густариши ҳамкориҳои бозаргонии Тоҷикистону Ҳинд баргузор мешавад.

Ёдовар мешавем, ки нахустин намоишгоҳи колоҳои Ҳинд дар Тоҷикистон дар феврали соли 2015 баргузор шуда буд ва бисёр боздидкунанда дошт. Аз ин рӯ ва бо таваҷҷуҳ ба зиёд будани тақозо ба колоҳои ҳиндӣ дар Тоҷикистон, баргузоркунандагон тасмим гирифтаанд ин бор намоишгоҳро дар се шаҳр — Душанбе, Хуҷанд ва Қӯрғонтеппа бар по кунанд.  

Мавзуъ

Афғонистону Ҳиндустон борбарии ҳавоиро роҳандозӣ карданд
Созмони ҳамкории Шонгҳой Ҳинду Покистонро ҳам дар бар гирифт
Донишомӯзони тоҷик аз Ҳинд чаҳор медоли тилло оварданд
Аз Каъба то Ҳинд: сафарҳои Эмомалӣ Раҳмон ба мамолики хориҷ
Барчаспҳо:
намоишгоҳи колоҳои ҳиндӣ, Утоқи бозаргониву саноеъи Тоҷикистон, Тоҷикистон-Ҳинд

Мавзӯъҳои асосӣ