Коршинос: Эмомалӣ Раҳмон ба ҳамкории кишварҳои суннимазҳаб умед бастааст

© SputnikКандидат исторических наук, научный сотрудник Центра изучения Центральной Азии, Кавказа и Урало-Поволжья Института востоковедения РАН Станислав Притчин
Кандидат исторических наук, научный сотрудник Центра изучения Центральной Азии, Кавказа и Урало-Поволжья Института востоковедения РАН Станислав Притчин - Sputnik Тоҷикистон
Обуна шудан
Дар нишасти сарони кишварҳои мусулмоннишин Эмомалӣ Раҳмон якбора чанд масъалаи муҳими байнулмилалиро барои Тоҷикистон ҳал кард, мегӯяд коршинос Станислав Притчин

ДУШАНБЕ, 24 май — Sputnik. Дар пойтахти Арабистони Саудӣ рӯзҳои 21 —22 май нахустин Нишасти сарони кишварҳои мусулмоннишин ва Иёлоти Муттаҳидаи Амрико баргузор шуд.

Роҳбари гурӯҳи пажӯҳишии Донишкадаи шарқшиносӣ Станислав Притчин дар бораи дастовардҳои Эмомалӣ Раҳмон дар Арабистон нақл кард.

"Эмомалӣ Раҳмон бо Доналд Тромп ба хотири хушмуомилагии сиёсӣ сӯҳбати кӯтоҳе дошт, он на баррасии муносиботи дуҷониба балки танҳо як мулоқоти кӯтоҳе буд. Муҳимтараш дидори ғайрирасмии Эмомалӣ Раҳмон бо кишвардорони ҳамсоя аз ҷумла бо раисҷумҳури ҷадиди Узбакистон Шавкат Мирзиёев буд", — гуфт коршинос.

Прилёт в Уфу Президента Республики Таджикистан Эмомали Рахмона - Sputnik Тоҷикистон
Эмомалӣ Раҳмон ба Арабистони Саудӣ рафт

Мулоқот бо Мирзиёев яке аз сабабҳои аслии сафари раисҷумҳури Тоҷикистон ба Арабистони Саудӣ буд, — қайд кард Притчин.

Дар баробари ин барои раисҷумҳури Тоҷикистон ширкат дар нишасти саудиҳо ба хотири тадриҷан гарм шудани муносиботи Душанбе ва Риёз, ки ҳамакнун ба сармоягузории фаъоли иқтисоди Тоҷикистон пардохтааст, муҳим буд.

"Албатта, Тоҷикистон бояд сипосгузории худро барои сармоёгузории арабҳо нишон медод", — шарҳ дод коршинос дар сӯҳбат бо Sputnik Тоҷикистон.

Прритчин қайд кад, ки аз ҷониби дигар ширкати раёсати Тоҷикистон дар ин нишаст, ки дар рафти он бузургтарин созишномаи низомӣ —  истеҳсолӣ дар таърихи ИМА миёни Амрико ва Арабистони Саудӣ ба имзо расид, муносиботи бе ин ҳам хунуки Тоҷикистону Эронро метавонад сардтар кунад.

Лентаи хабарҳо
0