ДУШАНБЕ, 23 янв — Sputnik. Эмомалӣ Раҳмон, президенти Тоҷикистон зимни паёми солонааш гуфт, нисбат ба 10 соли пеш ҳудуди 80 дарсади хатмкунандагони макотиби олӣ ба ҷойи кор таъмин мешаванд.
Вай афзуд, ҳамасола 110 — 120 ҳазор нафар мактаби миёнаро хатм мекунанд ва дар маҷмуъ Тоҷикистон 1 миллион 750 ҳазор хонандаи мактаби миёна дорад.
"Масъулини вазорати маориф ва илм вазифадоранд, ки бо ҳамаи инҳо кор кунанд ва онҳро барои марказҳои тестӣ омода кунанд. Барои имтиҳонсупорӣ ба макотиби олӣ тайёр созанд", — афзуд дар идома президент.
