09:30 25 феврали 2017
Пахши мустақим
Президенти русия Владимир Путин, акс аз бойгонӣ

Сӯҳбати аввалини Путин бо Трамп: вохӯрӣ таъин карданд

© Sputnik / Алексей Никольский
Сиёсат
Гирифтани линки кӯтоҳ
Интихоботи президенти Иёлоти Муттаҳидаи Амрико (10)
25 0 0

Дар рафти сӯҳбат Путин бо Трамп дар бораи баробар намудани муносибатҳои кишварҳо дар сатҳи ҳамкориҳои созанда ва муҳим будани рушди муносибатҳои савдо ва иқтисод изҳори андеша карданд

ДУШАНБЕ, 15 ноя — Sputnik.Президенти Русия Владимир Путин ва роҳбари тозаинтихоби ИМА Доналд Трамп сӯҳбати телефонӣ оростанд, омадааст дар сомонаи расмии президенти Русия.

Қайд карда мешавад, ки сӯҳбати телефонӣ бо розигии тарафайн ба амал омадааст.

Владимир Путин бори дигар ғолибияти Трампро дар интихобот   муборакбод намуд ва барояш дар амалӣ намудани барномаҳои президентӣ  муваффақиятҳо орзу кард. Путин тайёр будани Русияро дар фаръи сохтани муколама бо маъмурияти нав дар пояи принсипҳои баробарӣ ва эҳтироми мутақобила  иброз намуд.

Дар рафти сӯҳбат Владимир Путин ва Доналд Трамп на танҳо дар бораи муносибатҳои мушкили имрӯзаи кишварҳо сӯҳбат карданд, балки дар бораи беҳбуди муносибатҳо ибрози ақида карданд.

Роҳбарони ду кишвар қайд карданд, ки бояд дар мубориза бо терроризми байналмиллалӣ ва ифродгароӣ  якҷоя мубориза баранд.

"Давом додани сӯҳбатҳои тарафайн тариқи телефон ва  дурнамои дида баромадани вохӯрии шахсӣ, ки ба он тарафайн тайёрӣ мебинанд, мувофиқа карда шуд",- қайд мегардад дар сомона.

Ёдовар мешавем, ки санаи 8-уми ноябр Трамп дар интихоботи президентии ИМА ғолиб омад  ва ӯ ба  курсии президентӣ аз санаи 20-уми январ соҳиб мешавад.

Мавзуҳо:
Интихоботи президенти Иёлоти Муттаҳидаи Амрико (10)
Барчаспҳо:
сӯҳбати телефонӣ, Доналд Трамп, Владимир Путин, ИМА, Русия