08:46 22 январи 2017
Пахши мустақим
Сафари кории Эмомалӣ Раҳмон ба ноҳияи Лахш. Акс аз бойгонӣ

Эмомалӣ Раҳмон Шавкат Мирзиёевро бо пирӯзиаш муборакбод гуфт

© Официальная страница пресс-службы президента РТ в Facebook
Сиёсат
Гирифтани линки кӯтоҳ
Интихоботи президентӣ дар Узбакистон (12)
4710

Дар иртибот ба пирӯзии баҳснопазиратон дар интихоботи Президенти Ҷумҳурии Ӯзбекистон бо камоли хушнудӣ ва аз самими қалб ба Шумо беҳтарин табрикот ва таманниёти неки хешро ирсол медорам

ДУШАНБЕ, 5 дек — Sputnik. Президенти Ҷумҳурии Тоҷикистон Эмомалӣ Рамҳон яке аз аввалинҳо шуда, ба Шавкат Мирзиёев номаи шодбошӣ равон кард, хабар медиҳад хадамоти матбуоти президенти ҶТ.

Дар барқияи шодбошӣ аз ҷумла омадааст, "интихоби Шумо ба ин маснади воломақому ҳамзамон сермасъул далели возеҳи ҷонибдории васеи мардуми Ӯзбекистон аз роҳи сиёсии интихобкардаи Шумо мебошад, ки ба мунтазам боло бурдани сатҳи некӯаҳволии мардум, таҳкими минбаъдаи сулҳу субот ва ризоият дар ҷомеа нигаронда шудааст".

Дар Тоҷикистон шуморо ҳамчун пайрави рушди бемайлони муносибатҳои дӯстиву неки ҳамҷаворӣ ва ҳамкориҳои гуногунсоҳаи кишварҳои мо медонанд ва ба шахсияти шумо эҳтиром мегузоранд.

Итминон дорам, ки идомаи ҳамкории судманду самаранок миёни Тоҷикистон ва Ӯзбекистон ҷавобгӯи манфиатҳои асили мардумони мо мебошад. Халқҳои моро анъанаҳои чандинасраи ҳусни ҳамҷаворӣ, дӯстӣ ва эҳтироми мутақобила, ки аз даврони мутафаккирони бузурги Машриқзамин Ҷомӣ ва Навоӣ маншаъ мегиранд, ба ҳам мепайванданд.

"Нигоҳ доштан ва васеъ гардонидани заминаи мусоиди мероси созандаи таърихии муносибатҳои мардумонамон бар дӯши мо  масъулияти бузургеро вогузор менамояд ва мо омодаем, ки дар ин ҷода якҷо бо Шумо саъю талошҳои заруриро ба харҷ диҳем",-омадааст дар иттилоия.

Ба шумо, мӯҳтарам Шавкат Миромонович, сиҳҳатии комил, саодатмандиву хушрӯзӣ, дар фаъолияти давлатиатон дастовардҳои нав ба нав ба манзури рушду тараққии Ӯзбекистони дӯст ва ба мардуми барои мо бародари он сулҳу субот ва пешравии бардавом орзумандам.

Мавзуҳо:
Интихоботи президентӣ дар Узбакистон (12)
Барчаспҳо:
симмати нав, мақоми президентӣ, номаи шодбошӣ, Шавкат Мирзиёев, Эмомалӣ Раҳмон, Тоҷикистон

Мавзӯъҳои асосӣ