ДУШАНБЕ, 16 дек — Sputnik. Президенти Ҷумҳурии Тоҷикистон Эмомалӣ Раҳмон имрӯз ба Ҳиндустон сафар кард, хабар медиҳад хадамоти матбуоти президенти ҶТ.
Дар фурудгоҳи байналмилалии шаҳри Ню Деҳлӣ сарвари давлатро роҳбарияти олимақоми Ҳиндустон истиқбол гирифтанд
"Дар доираи ин сафар баргузории мулоқоту музокироти сатҳи баланди Тоҷикистону Ҳиндустон, дидору сӯҳбатҳои хосаи президенти мамлакат Эмомалӣ Раҳмон бо роҳбарияти олии ин кишвари дӯст, имзои санадҳои нави ҳамкорӣ ва дигар чорабиниҳои дорои аҳамияти байнидавлатӣ дар назар дошта шудааст",-омадааст дар иттилоия.
Моҳи октябри соли равон дар доираи намоишномаи байналмиллалии "Тандурустии Ҳиндустон-2016" раиси палатаи савдои Тоҷикистон Шариф Саид ва президенти федератсияи палатаи савдои Ҳиндустон Сидхадх Бирла Созишнома оиди такшили шӯрои "Тоҷикистон-Ҳиндустон"-ро ба имзо расонид.
Ҷониби Ҳиндустон бо Тоҷикистон хостори ҳамкорӣ дар соҳаҳои кишоварзӣ, технологияи информатсионӣ, савдо, бонкдорӣ, суғурта ва сохтмони роҳ шуданд.
