ДУШАНБЕ, 8 авг — Sputnik. Бино ба иттилоъи хадамоти матбуоти раисҷумҳур Ҷумъазода бо сабаби ба кори дигар гузаштанаш аз вазифа озод шудааст.
Манбаъ меафзояд, ки раисҷумҳур Файзуллозода Заробиддин Қудратро сардори Саридораи геологияи назди Ҳукумати Ҷумҳурии Тоҷикистон таъин кардааст.
Ёдовар мешавем, ки Раиси Ҷумҳурии Тоҷикистон Эмомалӣ Раҳмон бо судури чанд фармон бархе аз сафирҳои кишварро аз симат барканор ва дипломатҳои дигареро ҷойгузинашон кард.
Эмомалӣ Раҳмон дирӯз бо фармоне Исматулло Насрединовро ба сабаби гузаштан ба кори дигар аз симати сафири Тоҷикистон дар Австрия озод кардааст. Насреддинов ҳамчунин аз симати Намояндаи доими ҶТ дар Созмони амнияту ҳамкории Урупо ва дигар созмонҳои байналмилалӣ, ки дар Вена, пойтахти Австрия ҷой доранд, ҳамчунин сафири ҶТ дар Италия, Словакия ва Маҷористон низ озод шудааст.
