23:50 13 декабри 2017
Пахши мустақим
Встреча с Директором Департамента Континентальной Европы Министерства иностранных и европейских дел Франции

Тоҷикистон ва Фаронса ҳамкориҳоро густариш медиҳанд

© Фото: МИД РТ
Сиёсат
Гирифтани линки кӯтоҳ
23 0 0

Ҳайъате баландпоя аз Вазорати умури хориҷии Фаронса бо намояндагони Вазорати умури хориҷии Тоҷикистон дар масоили сиёсӣ машварат кард

ДУШАНБЕ, 23 ноя — Sputnik. Вазири умури хориҷии ҶТ Сироҷидин Аслов дар Душанбе бо мудири Дафтари Урупои қораӣ дар Вазорати умури Урупо ва корҳои хориҷии Ҷумҳурии Фаронса хонум Флоранс Манжан дидор кард.

Ба иттилоъи хадамоти расонаии ВУХ ҶТ, ин дидор дар ҳошияи машваратҳои сиёсии вазоратӣ миёни Тоҷикистон ва Фаронса баргузор шуда ва дар он ҳамчунин сафири фавқулодаву мухтори Ҷумҳурии Фаронса дар Ҷумҳурии Тоҷикистон хонум Ясмин Гуедар ҳузур доштааст.

Дипломатҳои тоҷику фаронсаӣ дар ин мулоқот масоили муҳимми равобити дуҷониба ва бисёрҷонибаи Тоҷикистону Фаронсаро баррасӣ карданд.

"Ҳавасмандии ҷонибҳо дар таҳкиму тақвияти минбаъдаи муколамаи сиёсӣ ва муносибатҳои иқтисодию тиҷоратӣ, равобити ду кишвар дар соҳаҳои маориф, фарҳанг ва илм таъкид гардид. Дар ин радиф, ҷонибҳо аз баргузории даври дуюми машваратҳои сиёсии байниидоравӣ миёни Тоҷикистон ва Фаронса истиқбол намуданд", — таъкид кардааст ВУХ ҶТ.

Мусоҳибон инчунин дар атрофи мавзӯъҳои ҳамкориҳои минтақавӣ ва байналмилалии ду кишвар мубодилаи афкор намуданд. 

Имрӯз ҳамчунин даври дувуми машваратҳои сиёсӣ байни Вазорати умури хориҷии Ҷумҳурии Тоҷикистон ва Вазорати умури Аврупо ва корҳои хориҷии Ҷумҳурии Фаронса баргузор шуд.

Ҳайъати Тоҷикистонро муовини вазири умури хориҷӣ Музаффар Ҳусейнзода ва ҳайъати Фаронсаро хонум Флоранс Манжан раҳбарӣ намуданд. Дар машваратҳо ҳамчунин хонум Ясмин Гуедар ширкат дошт.

Масъалаҳои рушду таҳкими ҳамкориҳои фарогир ва мутақобилан судманд миёни Тоҷикистону Фаронса дар самтҳои мавриди таваҷҷуҳи тарафайн, аз ҷумла сиёсат, иқтисод ва тиҷорат, обу энергетика, саноат, тандурустӣ, маориф, илму фарҳанг ва туризм дар меҳвари музокирот қарор доштанд.

Ҷонибҳо инчунин дар мавзуъи мубориза бо таҳдиду чолишҳои муосир табодули назар карданд. Мусоҳибон муносибатҳои Тоҷикистону Фаронса дар доираи созмонҳои байналмилалӣ ва мавзуъҳои ҳамкориҳо дар минтақаро мавриди муҳокима қарор доданд.

Дар фарҷоми машваратҳо омодагии мутақобил ҷиҳати густариши минбаъдаи ҳамкориҳо дар самтҳои афзалиятнок иброз гардид.

Мавзуъ

Сарраёсати консулии ВУХ ҶТ вебгоҳи расмиашро ба кор андохт
Нишастанду гуфтанду бархостанд: сарони ВУХ Тоҷикистон ва Эрон дидор карданд
Ваъдаи ВУХ Русия барои озод кардани муҳоҷирони тоҷики дастгиршуда
ВУХ: Робитаҳои динии Тоҷикистону Арабистони Саудӣ баррасӣ шуданд
Барчаспҳо:
ройзанӣ, ВУХ ҶТ, Тоҷикистон-Фаронса

Мавзӯъҳои асосӣ