ВАО: боздошти аъзоёни Раёсати олии ҲНИТ дар Тоҷикистон

© Sputnik / Амир ИсаевҚароргоҳи марказии ҲНИТ дар Душанбе. Акс аз бойгонӣ
Қароргоҳи марказии ҲНИТ дар Душанбе. Акс аз бойгонӣ - Sputnik Тоҷикистон
Обуна шудан
Сомонаи мухолифини тоҷик аз боздошти Абдуқаҳҳор Давлат, сармуҳаррири торнамои расмии ҲНИТ ва Зарафо Раҳмонӣ, мушовири ҳуқуқии раиси ин ташкилоти сиёсӣ низ иттилоъ пахш кардааст.

ДУШАНБЕ, 17 сен — Sputnik. Раиси Шӯрои уламои ҲНИТ, Зубайдуллоҳ Розиқ ва раиси бахши ин ҳизб дар навоҳи тобеъи марказ, Раҳматуллоҳ Раҷаб дар шаҳри Душанбе боздошт шудаанд, навиштааст, сомонаи мухолифини тоҷик "Tajinfo.org".

Тибқи иттилои ин сомона, Абдуқаҳҳор Давлат, сармуҳаррири торнамои nahzat.tj  ва Зарафо Раҳмонӣ, мушовири ҳуқуқии раиси ҲНИТ ҳам дастгир гардидаанд.

Вазорати адлияи ҶТ. Акс аз бойгонӣ - Sputnik Тоҷикистон
Вазорати адлия ба ҲНИТ 10 рӯз мӯҳлат дод

Қаблан, муовини раиси ҲНИТ, Маҳмадалӣ Ҳаит аз боздошти муовини аввали раиси ҳизб ва собиқ вакили палатаи поёнии парлумони Тоҷикистон Сайидумар Ҳусайнӣ дар фурудгоҳи шаҳри Душанбе ҳангоми парвоз ба шаҳри Алмаатои Қазоқистон хабар дода буд. Худи Ҳаит ҳам баъдан аз сӯи маъмурини амниятии кишвар дастгир шуд.

ҲНИТ ягона ҳизби сиёсии динӣ дар кишварҳои собиқ шӯравӣ ба шумор рафта, ба иддаои масъулинаш беш аз 40 ҳазор узв дорад. 28 августи соли равон Вазорати адлияи Тоҷикистон бо ирсоли як нома аз раҳбарияти ҲНИТ хост, ба фаъолияти "ғайриқонунӣ"-и ин ҳизб хотима бахшанд.

Ба қавли масъулини Вазорати адлияи кишвар, гӯиё фаъолияти ташкилотҳои ибтидоии ин ҳизб дар 58 шаҳру навоҳии кишвар қатъ шуда, дигар ин ҳизб гӯиё ҳизби умумҷумҳурявӣ нест. Аммо масъулини ҲНИТ ин иддаои вазоратро рад карданд.

Муҳиддин Кабирӣ дар парлумон. Акс аз бойгонӣ - Sputnik Тоҷикистон
Тафтиши дороиҳои раиси ҲНИТ

Раиси ҲНИТ, Муҳиддин Кабирӣ баъд аз интихоботи парлумонии 1 марти Тоҷикистон кишварро тарк карда, ҳоло дар хориҷ ба сар мебарад.

Дар пайи ҳаводиси хунини 4 сентябр, ки дар шаҳрҳои Ваҳдату Душанбе наздик ба 10 корманди пулис кушта шуданд, Вазорати умури дохилии кишвар бо нашри изҳороте онро кори дастаи марбут ба Абдуҳалим Назарзода, муовини пешини вазири дифои кишвар хонданд, ки худи он рӯз бо қарори раисҷумҳур аз мақомаш барканор шуд. Мақомоти тоҷик Абҳуалим Назарзодаро узви ҲНИТ эълон карданд. Аммо Шӯрои сиёсии ҲНИТ бо нашри изҳорот иддаи мақомотро рад карда, гуфт, генерал Назарзода наметавонист, узви ҳизбе бошад, чун узви ҳизб будани афсари низомиро Сарқонуни Тоҷикистон манъ кардааст.

Генерал Абдуҳалим Назарзода (Ҳоҷӣ Ҳалим) ва 11 ҷонибдори ӯ дар пайи амалиёти вижаи неруҳои қудратии Тоҷикистон рӯзи 16 сентябр дар дараи Ромит нобуд карда шуданд.

 

Лентаи хабарҳо
0