8-март ва Наврӯз: Р. Эмомалӣ ба занони кӯчарӯб $300 ҳазор тӯҳфа кард

© Sputnik Кормандони хоҷагиҳои манзилию коммуналӣ дар Душанбе
Кормандони хоҷагиҳои манзилию коммуналӣ дар Душанбе - Sputnik Тоҷикистон
Обуна шудан
Раиси шаҳри Душанбе ба муносибати Рӯзи Модарон ва ҷашни Наврӯз ба кормандони хоҷагиҳои манзилию коммуналӣ 300 ҳазор доллари амрикоӣ ҷудо кард

ДУШАНБЕ, 6 мар — Sputnik. Бино ба иттилои дафтари матбуотии шаҳрдорӣ, Рустами Эмомалӣ дар бораи ҷудо намудани 2 миллиону 546 ҳазор сомонӣ (наздики 300 ҳазор доллар) ба занон-кормандони хоҷагиҳои манзилию коммуналии пойтахт қарор қабул намуд.

Қайд мегардад, ки кӯмаки яквақта ба муносибати Рӯзи Модарон ва ҷашни Наврӯз расонида мешавад. Иҷрои қарори мазкур бар дӯши муовини раиси шаҳри Душанбе Назирмадзода Б. вогузор шудааст.

Бояд қайд кард, ки дар шаҳри Душанбе аксарияти кормандони хоҷагиҳои манзилию коммуналиро намояндагони ҷинси латиф ташкил медиҳад.

Лентаи хабарҳо
0