17:26 28 июни 2017
Пахши мустақим
Хоруғ, маҳаллаи Гӯлакен, акс аз бойгонӣ

Шабакаи тавсеъаи Оқохон дар бунёди шаҳраки Тем саҳмгузорӣ хоҳад кард

© Sputnik / Ратушенко
Иҷтимоъ
Гирифтани линки кӯтоҳ
46211

Раиси вилояти мухтори Кӯҳистони Бадахшон Шодихон Ҷамшед ва намояндаи доимии Шабакаи тавсеъаи Оқохон дар Тоҷикистон Алиакбар Писнонӣ дурнамои ҳамкориҳо дар заминаи кишоварзӣ ва бунёди шаҳраки Темро баррасӣ карданд

ДУШАНБЕ, 17 апр — Sputnik. Дар ин мулоқот, ки дар Хоруғ баргузор шуд, ҳамчунин чораҳое барои бартараф кардани пайомадҳои балоҳои табиъие ҷуста шуд, ки аз зимистон то кунун дар ВМКБ рух додаанд.

Дар ин бора сухангӯи ҳукумати ВМКБ Нилуфар Асламшоева дар сафҳаи фейсбукии худ хабар додааст.

Раиси ВМКБ дар ин дидор аз раванди сохту сози шаҳраки Тем гузорише дод ва аз Шабакаи тавсеъаи Оқохон даъват кард бо бунёди меҳмонхонаи модерн ё дигар зерсохтор ва дастгирии соҳилбандӣ дар иҷрои тарҳи шаҳрсозӣ саҳмгузорӣ кунад. Алиакбар Писнонӣ ин пешниҳодро пазируфт ва гуфт, ки дар кӯтоҳтарин фурсат барои амалӣ карданаш чораҷӯӣ хоҳад шуд.

Ҳамчунин бо таваҷҷуҳ ба барномаи ҳукумати ВМКБ барои кам кардани кишти ғалла ва афзудани кишти картошка ва хӯроки чорво қарор шуд ки Шабакаи тавсеъаи Оқохон дар таҳияи маводи сӯхт ва тухмӣ барои кишти баҳории имсол устондориро ёрӣ хоҳад расонд.

Шодихон Ҷамшед ва Алиакбар Писнонӣ ҳамчунин дар бораи пуштибонии молии корофаринони бадахшонӣ бо вомҳои камбаҳраи Нахустин бонки хурдасармоягузории Шабакаи тавсеъаи Оқохон табодули назар карданд.

Қарор шуд барои амалӣ кардани пешниҳодҳои баррасишуда дар кӯтоҳтарин замон чораҳои амалӣ роҳандозӣ карда шаванд.

Мавзуъ

Бемористони Оқохон дар шаҳри Хоруғ сохта мешавад
Дар Хоруғ шаҳраки ҷадид бунёд мешавад
Барчаспҳо:
Тем, Хоруғ, Шабакаи тавсеъаи Оқохон, ВМКБ, Хоруғ, Тоҷикистон

Мавзӯъҳои асосӣ