Дидори раиси ВМКБ бо раҳбари Бунёди кӯдакони СММ ва сафири Ҷопон

© Пресс служба ГБАОВстреча председателья ГБАО с Детским фондом ООН и послом Японии в Республике Таджикистан
Встреча председателья ГБАО с Детским фондом ООН и послом Японии в Республике Таджикистан - Sputnik Тоҷикистон
Обуна шудан
Раиси ВМКБ Шодихон Ҷамшед бо раҳбари навтаъини Бунёди кӯдакони (ЮНИСЕФ) СММ дар Тоҷикистон Лучиано Калестини ва сафири Ҷопон дар Тоҷикистон Хаджимэ Китаока дидор кард

ДУШАНБЕ, 14 дек — Sputnik. Дар ин бора сухангӯи ҳукумати ин вилоят Нилуфар Асламшоева хабар медиҳад.

Ба гузориши манбаъ, ҷонибҳо аз ҳамкориҳои судманди дуҷонибаи Тоҷикистон бо СММ изҳори қаноатмандӣ намудаанд.

Раиси вилоят Шодихон Ҷамшед аз дастгириҳои сафорати Ҷопон дар Тоҷикистон дар самти дастгирии маориф, тандурустӣ, сайёҳӣ ва инфрасохтор ёдовар шуда, таъкид кардааст, ки саҳми сафорати Ҷопон дар таъмини сокинони деҳоти дурдаст бо оби тозаи нӯшокӣ, таъмиру азнавсозии муассисаҳои соҳаи маориф ва тандурустӣ назаррас аст.

Дар шӯъбаи эҳёгарӣ. Акс аз бойгонӣ - Sputnik Тоҷикистон
Кумаки Русия ба Тоҷикистон тариқи ЮНИСЕФ: $1, 43 млн

Раҳбари Бунёди СММ Лучиано Калестини ва сафири Ҷопон дар Тоҷикистон Хаджимэ Китаока аз шароити мусоиди фаъолият дар кишвар изҳори қаноатмандӣ намуда, гуфтаанд, ки дар доираи имконоти мавҷуда минбаъд низ дастгириҳои соҳаҳои зикргардидаро идома хоҳанд дод.

Дар фарҷом ҷонибхо ба мувофиқа расиданд, ки минбаъд низ ҳамкориҳои пурсамари худро дар доираи сиёсати дарҳои кушод ва қонунҳои амалкунандаи Тоҷикистон вусъат бахшида, онро барои вусъати корҳои ободониву созандагӣ ва рушди соҳаҳои гуногуни хоҷагии халки кишвар равона хоҳанд намуд.

Лентаи хабарҳо
0