23:45 23 октябри 2017
Пахши мустақим
Дзюдо.

Нишонҳои биринҷии дзюдочиёни тоҷик дар ҳайати тими хориҷӣ

© Sputnik
Варзиш
Гирифтани линки кӯтоҳ
4 0 0

Варзишгарони тоҷик дар мусобиқаи қаҳрамонии дзюдо байни наврасону навҷавонони кишварҳои арабӣ дар ҳайати кишвари дигар дар Маккаи Арабистони Саудӣ ду медали биринҷӣ ба даст оварданд.

ДУШАНБЕ, 30 янв — Sputnik. Варзишгарони ҷавони тоҷик дар мусобиқаи қаҳрамонии дзюдо байни наврасону навҷавонони кишварҳои арабӣ, ки дар шаҳри Маккаи Мукаррама (Арабистони Саудӣ) баргузор шуд, соҳиби ду медали биринҷӣ гардиданд, менависад сомонаи КМО-и ҶТ.

Масъулини Кумитаи миллии олимпии Тоҷикистон мегӯянд, дар ин мусобиқа се паҳлавони ҷавони тоҷик - Ёсин Неъматов (66 кг), Раҳмихудо Шарифов (81 кг) ва Хуршед Маҷидов (90 кг) дар ҳайати дастаи Имороти Муттаҳидаи Араб ширкат карданд. Ёсин Неъматов ва Хуршед Маҷидов, ки ҷойҳои севумро гирифтанд, бо медалҳои биринҷӣ мукофотонида шуданд. 

Ҳамзамон, ба иттилои Федератсияи дзюдои Тоҷикистон, инчунин паҳлавони дигари тоҷик Маҳмадрасул Сайидумаров дар мусобиқаи кушодаи қаҳрамонии Беларус, ки дар шаҳри Могилёв баргузор шуд, дар рақобатҳо дар вазни зери 73 кг барои ҷойи севвум бо медали биринҷӣ сарфароз гашт.

Барчаспҳо:
гӯштини дзюдо, мусобиқа, Федератсияи дзюдои Тоҷикистон, КМО, Хуршед Маҷидов, Ёсин Неъматов, Макка, Арабистони Саудӣ

Мавзӯъҳои асосӣ