Ширкати 400 ҳазор нафар дар Рӯзи ”Дави миллӣ"

© Sputnik / Амир ИсаевНиммарафон дар Душанбе 18 апрели соли 2015
Ниммарафон дар Душанбе 18 апрели соли 2015 - Sputnik Тоҷикистон
Обуна шудан
Дави миллӣ дар Тоҷикистон нуҳ сол боз ба ин сӯ баргузор гардида, дар он ҳамасола теъдоди зиёди сокинони кишвар ширкат мекунанд.

ДУШАНБЕ, 16 май — Sputnik. Рӯзи дави миллӣ бо иштироки афроди синну соли мухталиф дар саросари Тоҷикистон доир гардид ва ба гуфтаи масъулон, дар он тақрибан ҳудуди 400 ҳазор нафар афроди касбу кори гуногун ширкат карданд.

Танҳо дар шаҳри Душанбе ҳудуди 40 ҳазор нафар дар дави миллӣ иштирок намуданд.

Ниммарафон. Акс аз бойгонӣ - Sputnik Тоҷикистон
Дар рӯзҳои истироҳат дар Тоҷикистон Дави миллӣ барпо мегардад

Тибқи иттилоъи Кумитаи ҷавонон, варзиш ва сайёҳии кишвар, сокинони пойтахт дар ин мусобиқа ҳудуди беш аз 10 километрро тай карда, аз маҳаллаи Чорбоғи ноҳияи Варзоб то майдони "Наврӯзгоҳ" миёни ҳам рақобат карданд.

Дар дави миллӣ намояндагони аксари корхонаву ташкилотҳо ширкат намуданд ва ба гуфтаи масъулин, донишҷӯёни макотиби олӣ аз ҳама фаъолтар буданд.

Дар ин маърака ғолибон муайян намегарданд ва он танҳо ба хотири оммавияти варзиш ихтисос дода шудааст.

Дави миллӣ бо фармони президенти Тоҷикистон сар аз соли 2007 ҳар сол якшанбеи севуми моҳи май дар ҳамаи манотиқи ҷумҳурӣ барпо мегардад.

Лентаи хабарҳо
0