Мухлисони тоҷик Игор Черевченкоро хуш пазируфтанд

© SputnikМухлисони тоҷик бо акси муҳофизгари "Помир"-и Душанбе Геннадий Черевченко. Акс аз бойгонӣ
Мухлисони тоҷик бо акси муҳофизгари Помир-и Душанбе Геннадий Черевченко. Акс аз бойгонӣ - Sputnik Тоҷикистон
Обуна шудан
Собиқ варзишгари тоҷик, сармураббии клуби “Локомотив” ба Варзишгоҳи марказии пойтахт ба тамошои бозии мунтахаби Тоҷикистону Бангладеш омад.

ДУШАНБЕ, 3 июн — Sputnik. Дар бозии аввалини плей-оффи Қаҳрамонии Осиё-2019, ки шоми дирӯз байни дастаҳои миллии Тоҷикистон ва Бангладеш сурат гирифт дар қатори мухлисони футбол сармураббии дастаи "Локомотив" Игор Черевченко ҳузур дошт, иттилоъ медиҳад дафтари матбуотии Федератсияи футболи ҷумҳурӣ.

Мухлисони футбол, ки дар қисми шарқии Варзишгоҳи марказии пойтахт қарор доштанд, тарбиятгирандаи футболи тоҷикро хеле хуш истиқбол карданд.

"Игор Черевченко, хуш омадед! Мо шуморо дӯст медорем!"-мегуфтанд мухлисон.

Дар рафти тамошои бозӣ мухлисон "плакат"-и  бузургро бо акси падари Игор Черевченко-муҳофизатгари нотакрори "Помири"-и Душанбе Геннадий Черевенко паҳн карданд.

Игор Черевченко. Акс аз бойгонӣ - Sputnik Тоҷикистон
Сармураббии дастаи “Локомотив”-и Маскав ба Душанбе омад

Игор Черевченко писари собиқ бозигари дастаи футболи "Помир"-и Душанбе- Геннадйевич Черевченко буда,  21 августи соли 1974 дар Тоҷикистон таваллуд шудааст. Қадамҳои нахустинаш дар футбол аз мактаби варзишии Душанбе шуруъ шуда буд. Ӯ ҳамчун ҳимоятгар бозӣ мекард. Соли 1992 дар ҳайати "Помир" чемпиони кишвар ва ғолиби Ҷоми Тоҷикистон гардид.

Соли 1996  Черевченко ба дастаи "Локомотив"  даъват шуда, дар он ҷо ӯ бештар худро нишон дод ва дар ҳайати дастаи "роҳиоҳанчиён"  чаҳор маротиба Ҷоми Русия, се бор медали нуқра ва як дафъа медали биринҷиро ба даст овард.

Лентаи хабарҳо
0